لبش أول على تذاكية الأربعاء

Ⲣⲓⲕⲓ ⲥⲁⲃⲟⲗ ⲙ̀ⲡⲓⲡⲉⲧϩⲱⲟⲩ: ⲛⲏⲉ̀ⲧⲉ ⲟⲩⲟⲛϣ̀ϫⲟⲙ ⲙ̀ⲙⲱⲟⲩ: ⲁ̀ⲣⲓⲟⲩⲓ̀ ⲙ̀ⲡⲓⲡⲉⲑⲛⲁⲛⲉⲩ: ⲟⲩⲟϩ ϭⲟϫⲓ ⲛ̀ⲥⲁ ϯϩⲩⲣⲏⲛⲏ.

حيدوا عن الشر · أيها الذين تقدرون عليه · وصنعوا الحسنات · واسرعوا نحو السلامة.

Ϫⲉ Ⲡ̀ϭⲟⲓⲥ Ⲫ̀ⲛⲟⲩϯ ⲟⲩⲣⲉϥϣⲉⲛϩⲏⲧ: ⲉ̀ϫⲉⲛ ⲛⲏⲉⲧⲓ̀ⲣⲓ ⲙ̀ⲡⲓⲛⲁⲏⲧ: ⲛⲏⲉⲧⲥⲟⲩⲧⲱⲛ ϧⲉⲛ ⲡⲟⲩϩⲏⲧ: ϥ̀ⲛⲁϭⲓⲧⲟⲩ ⲉ̀ⲧⲉϥⲙⲉⲧⲟⲩⲣⲟ.

لأن الرب الإله رؤوف · على الصانعين الرأفة · المستقيمين بقلوبهم · يأخذهم إلى ملكوته.

Ϯⲅⲁⲗⲓⲗⲉⲁ̀ ⲛ̀ⲧⲉ ⲛⲓⲉⲑⲛⲟⲥ: ⲡⲓⲗⲁⲟⲥ ⲉⲧϩⲉⲙⲥⲓ ϧⲉⲛ ⲡⲓⲅ̀ⲛⲟⲫⲟⲥ ⲥⲁⲡⲉⲥⲏⲧ ⲙ̀ⲡⲓⲧⲁⲣⲧⲁⲣⲟⲥ: ⲟⲩⲛⲓϣϯ ⲛ̀ⲟⲩⲱⲓⲛⲓ ⲁϥϣⲁⲓ ⲛⲱⲟⲩ.

جليل الأمم · الشعب الجالس في الضباب · أسفل السافلين · نور عظيم قد أشرق لهم.

Ⲛⲓⲣⲉϥϣⲉⲙϣⲓ ⲛ̀ⲛⲓⲓⲇⲱⲗⲟⲛ: ⲛ̀ⲑⲱⲟⲩ ⲛⲉⲙ ⲛⲓⲥ̀ⲕⲁⲛⲇⲁⲗⲟⲛ: Ⲡ̀ϭⲟⲓⲥ Ⲫ̀ⲛⲟⲩϯ ⲛ̀ⲛⲓⲉ̀ⲱⲛ: ⲕⲁⲧⲁ ⲛⲟⲩϩ̀ⲃⲏⲟⲩⲓ̀ ⲉϥⲉ̀ⲧⲁⲕⲱⲟⲩ.

واما خدام الأوثان · هم والمتشككين · الرب إله الدهور · يهلكهم كاعمالهم.

Ⲫ̀ⲛⲟⲩϯ ⲫⲏⲉⲑⲙⲟⲧⲉⲛ ⲙ̀ⲙⲟϥ: ϧⲉⲛ ⲛⲏⲉⲑⲟⲩⲁⲃ ⲛ̀ⲧⲁϥ: ⲛⲏⲉⲧⲓ̀ⲣⲓ ⲙ̀ⲡⲉⲑⲣⲁⲛⲁϥ: ⲙ̀ⲡⲓⲉ̀ϩⲟⲟⲩ ⲛⲉⲙ ⲡⲓⲉ̀ϫⲱⲣϩ.

الله المستريح · في قديسيه · أيها الصانعون مُرضاته · في الليل والنهار.

Ⲁ̀ⲙⲱⲓⲛⲓ ⲁ̀ⲛⲁⲩ ⲁⲣⲓϣ̀ⲫⲏⲣⲓ: ϩⲱⲥ ⲉ̀Ⲡ̀ϭⲟⲓⲥ ϧⲉⲛ ⲟⲩϩⲱⲥ ⲙ̀ⲃⲉⲣⲓ: ⲉ̀ϫⲉⲛ ⲡⲁⲓⲙⲩⲥⲧⲏⲣⲓⲟⲛ ⲙ̀ⲃⲉⲣⲓ: ⲉ̀ⲧⲁϥⲟⲩⲱⲛϩ ⲛⲁⲛ ⲉ̀ⲃⲟⲗ.

تعالوا انظروا وتعجبوا وسبحوا للرب تسبيحا جديدًا على هذا السر الجديد الذي ظهر لنا.

Ϫⲉ ⲡⲓⲁⲧⲁⲣⲝ ⲁϥϭⲓⲥⲁⲣⲝ: ⲁϥⲉⲣ ⲡⲉⲛⲣⲏϯ ⲕⲁⲧⲁ ⲥⲁⲣⲝ: ϫⲉ ⲡⲓⲥⲁϫⲓ ⲁϥⲉⲣ ⲟⲩⲥⲁⲣⲝ: ⲁϥϣⲱⲡⲓ ⲛ̀ϧ̀ⲣⲏⲓ ⲛ̀ϧⲏⲧⲉⲛ.

لأن الغير المتجسد · قد صار مثلنا جسدياً · لأن الكلمة قد صار جسداً · وحل فينا.

Ϫⲉ ⲫⲏⲉⲧϣⲟⲡ ⲓⲥϫⲉⲛ ⲡ̀ⲉ̀ⲛⲉϩ: ⲁϥⲟⲩⲱⲛϩ ϧⲉⲛ ⲧ̀ϧⲁⲉ̀ ⲛ̀ⲧⲉ ⲛⲓⲉ̀ⲛⲉϩ: ⲫⲏⲉ̀ⲧⲉ ⲙ̀ⲙⲟⲛ ⲛ̀ⲧⲁϥ ⲛ̀ⲟⲩⲥⲏⲟⲩ ⲛ̀ⲉ̀ⲛⲉϩ: ⲁϥⲓ̀ ⲁϥϣⲱⲡⲓ ϧⲁ ⲟⲩⲭ̀ⲣⲟⲛⲟⲥ.

لأن الكائن منذ الأزل · ظهر في آخر الآباد · والذي ليس له قط زمان · اتي وصار تحت الزمان.

Ⲡⲓⲁⲧϣ̀ⲧⲁϩⲟϥ ⲁⲩϫⲉⲙϫⲟⲙϥ: ⲡⲓⲁⲑⲛⲁⲩ ⲉⲣⲟϥ ⲁⲩⲛⲁⲩ ⲉⲣⲟϥ: ⲡ̀ϣⲏⲣⲓ ⲙ̀Ⲫ̀ⲛⲟⲩϯ ⲡⲓⲁⲑⲛⲁⲩ ⲉ̀ⲣⲟϥ: ⲁϥϣⲱⲡⲓ ⲛ̀ⲣⲱⲙⲓ ⲉⲧϫⲏⲕ ⲉ̀ⲃⲟⲗ.

الغير المدروك جسوه · الغير المنظور نظروه · ابن الله الغير المنظور إليه · قد صار انساناً كاملاً.

Ⲓⲏⲥⲟⲩⲥ Ⲡⲓⲭⲣⲓⲥⲧⲟⲥ ⲛ̀ⲥⲁϥ ⲛⲉⲙ ⲫⲟⲟⲩ: ⲁϥϩⲓⲥⲉⲛϯ ⲙ̀ⲡⲓⲕⲁϩⲓ ϩⲓϫⲉⲛ ⲛⲓⲙⲱⲟⲩ: ⲁ̀ ⲡⲉϥⲣⲁⲛ ϣⲱⲡⲓ ⲓⲥϫⲉⲛ ϫⲱⲟⲩ ϣⲁ ϫⲱⲟⲩ: ⲫⲱϥ ⲡⲉ ⲡⲓⲱ̀ⲟⲩ ϣⲁ ⲛⲓⲉ̀ⲛⲉϩ.

يسوع المسيح أمس واليوم · المؤسس الأرض على المياه · واسمه الكائن من جيل إلي جيل · له المجد إلى الأبد.

Ⲫ̀ⲛⲟⲩϯ ⲥⲱⲧⲉⲙ ⲉ̀ⲧⲁⲡ̀ⲣⲟⲥⲉⲩⲭⲏ: ⲁ̀ⲣⲓ ⲟⲩⲛⲁⲓ ⲛⲉⲙ ⲧⲁⲯⲩⲭⲏ: ϯⲛⲁϯ ⲛ̀ⲛⲁⲉⲩⲭⲏ: ⲛ̀ⲉ̀ϩⲟⲟⲩ ϧⲁⲧ̀ϩⲏ ⲛ̀ⲉ̀ϩⲟⲟⲩ.

يا الله اسمع صلاتي · وأصنع رحمة مع نفسي · لأوفي نذوري · يوما فيوما.

Ⲉⲑⲃⲉ ⲫⲁⲓ ⲧⲉⲛⲉⲣⲭⲱⲣⲉⲩⲓⲛ: ⲉⲛϫⲱ ⲙ̀ⲙⲟⲥ ϫⲉ ⲫⲏⲉ̀ⲧⲁϥϭⲓⲥⲁⲣⲝ: ϧⲉⲛ Ϯⲡⲁⲣⲑⲉⲛⲟⲥ ⲉⲧⲥ̀ⲙⲁⲣⲱⲟⲩⲧ: ⲛⲁⲓ ⲛⲁⲛⲁ ⲕⲁⲧⲁ ⲡⲉⲕⲛⲓϣϯ ⲛ̀ⲛⲁⲓ.

من أجل هذا نرتل · قائلين يا الذي تجسد · من العذراء المباركة · ارحمنا كعظيم رحمتك.

We ask you to remember us: O our faithful advocate: before our Lord Jesus Christ: that He may forgive us our sins.

Ⲧⲉⲛϯϩⲟ ⲁ̀ⲣⲓⲡⲉⲛⲙⲉⲩⲓ: ⲱ̀ ϯⲡ̀ⲣⲟⲥⲧⲁⲧⲏⲥ ⲉ̀ⲧⲉⲛϩⲟⲧ: ⲛⲁϩⲣⲉⲛ Ⲡⲉⲛϭⲟⲓⲥ Ⲓⲏⲥⲟⲩ Ⲡⲓⲭⲣⲓⲥⲧⲟⲥ: ⲛ̀ⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉ̀ⲃⲟⲗ.

نسألكِ أن تذكرينا أيتها الشفيعة الأمينة أمام ربنا يسوع المسيح ليغفر لنا خطايانا.

لبش ثاني على تذاكية الأربعاء

Ⲁϥⲥⲁϫⲓ ⲛ̀ϫⲉ ⲡⲓⲁⲅⲅⲉⲗⲟⲥ : ⲛⲉⲙ Ϯⲡⲁⲣⲑⲉⲛⲟⲥ ⲛ̀ⲥⲉⲙⲛⲉ : ϫⲉ ⲭⲉⲣⲉ ⲑⲏⲉⲑⲙⲉϩ ⲛ̀ϩ̀ⲙⲟⲧ : ⲟⲩⲟϩ Ⲡ̀ϭⲟⲓⲥ ϣⲟⲡ ⲛⲉⲙⲉ.  

تكلم الملاك · مع العذراء الهادية قائلاً · افرحي يا ممتلئة نعمة · الرب معك.

Ⲭⲉⲣⲉ ϯϭ̀ⲣⲟⲙⲡⲓ ⲉⲑⲛⲉⲥⲱⲥ : ⲑⲏⲉ̀ⲧⲁ Ⲡⲓⲡⲛⲉⲩⲙⲁ ⲉⲑⲟⲩⲁⲃ : ⲉⲣⲙⲉⲑⲣⲉ ϧⲁ ⲡⲉⲥⲧⲁⲓⲟ̀ : ϫⲉ ⲙ̀ⲙⲟⲛ ϩ̀ⲗⲓ ⲛ̀ⲁⲧⲁϭⲛⲓ ⲙ̀ⲡⲉⲥⲣⲏϯ.

السلام للحمامة الحسنة · التي الروح القدس · قد شهد على كرامتها · انه ليس أحد بغير عيب مثلها.

Ⲭⲉⲣⲉ ⲡⲓⲕⲩⲡⲟⲥ ⲉϥϣⲟⲧⲉⲙ : ⲛⲉⲙ ϯⲡⲩⲅⲏ ⲉⲧⲧⲟⲃ : ϧⲉⲛ ϯⲥⲫⲁⲣⲅⲓⲥ ⲛ̀ⲁⲧⲧⲁⲕⲟ : ⲛ̀ⲧⲉ ⲧⲉⲡⲁⲣⲑⲉⲛⲓⲁ̀ ⲙ̀ⲙⲏⲓ.

السلام للبستان المغلوق · والعين المختومة · بختم غير فاسد · التي لبتوليتك الحقيقية.

Ⲭⲉⲣⲉ ϯⲡⲩⲗⲏ ⲛ̀ⲧⲉ ⲛⲓⲙⲁⲛϣⲁⲓ : ϯⲡⲩⲗⲏ ⲉ̀ⲧⲁϥⲛⲁⲩ ⲉ̀ⲣⲟⲥ : ⲟⲩⲟϩ ⲁϥⲉⲣⲙⲉⲑⲣⲉ ϧⲁⲣⲟϥ : ⲛ̀ϫⲉ Ⲓⲉⲍⲉⲕⲓⲏⲗ ⲡⲓⲡ̀ⲣⲟⲫⲏⲧⲏⲥ  .  

السلام لباب المشارق · الباب الذي نظره · وشهد عنه · حزقيال النبي.

Ϫⲉ ⲙ̀ⲡⲉ ϩ̀ⲗⲓ ϣⲉ ⲉ̀ϧⲟⲩⲛ ⲉ̀ⲣⲟⲥ : ⲉ̀ⲃⲏⲗ ⲉ̀Ⲡ̀ϭⲟⲓⲥ ⲙ̀ⲙⲁⲩⲁⲧϥ : ⲁϥϣⲉ ⲉ̀ϧⲟⲩⲛ ⲁϥⲓ̀ ⲉ̀ⲃⲟⲗ : ⲁⲥⲟ̀ϩⲓ ⲉⲥϣⲟⲧⲉⲙ ⲙ̀ⲡⲉⲥⲣⲏϯ.

انه لم يدخله أحد · إلا الرب وحده · دخل وخرج · وبقي مختوماً بحاله.

Ⲭⲉⲣⲉ ⲡⲓⲙⲁ ⲉⲧϭⲟⲥⲓ ⲉⲑⲟⲩⲁⲃ: ⲡⲓⲙⲁ ⲉ̀ⲧⲉ ⲡⲓⲡ̀ⲣⲟⲫⲏⲧⲏⲥ : ⲉⲣϣⲟⲣⲡ ⲛ̀ϯⲙⲏⲓⲛⲓ ⲉ̀ⲣⲟϥ : ⲉϥϫⲱ ⲙ̀ⲙⲟⲥ ⲙ̀ⲡⲁⲓⲣⲏϯ.

السلام للموضع العالي المقدس · الموضع الذي سبق النبي · بالعلامة عنه · قائلاً هكذا.

Ϫⲉ ⲓⲥ Ⲡϭⲟⲓⲥ ⲛⲁⲓ̀ ⲉ̀ⲃⲟⲗϧⲉⲛ ⲡⲉϥⲙⲁ: ⲟⲩⲟϩ ⲛ̀ⲧⲉϥⲓ̀ ⲉ̀ⲡⲉⲥⲏⲧ : ϩⲓϫⲉⲛ ⲡⲓⲙⲁ ⲉⲧϭⲟⲥⲓ ⲛ̀ⲧⲉ ⲡ̀ⲕⲁϩⲓ : ⲉ̀ⲧⲉ ⲑⲁⲓ ⲧⲉ Ϯⲡⲁⲣⲑⲉⲛⲟⲥ.

هوذا الرب يأتي من موضعه · وينزل على الموضع · العالي الذي للأرض · التي هي هذه العذراء.

Ⲁ̀ⲗⲏⲑⲱⲥ ⲁ̀ⲣⲉϯϩⲓⲱ̀ϯ : ⲟⲩϫⲟⲙ ⲛⲉⲙ ⲟⲩⲱ̀ⲟⲩ ⲱ̀ ϯⲥ̀ϩⲓⲙⲓ : ⲛⲓⲙⲁⲓⲛⲟⲩϯ ⲉⲩⲉ̀ⲥ̀ⲙⲟⲩ ⲉ̀ⲣⲟ : ϧⲉⲛ ⲛⲓⲫⲏⲟⲩⲓ̀ ⲛⲉⲙ ϩⲓϫⲉⲛ ⲡⲓⲕⲁϩⲓ.

بالحقيقة اشتملت · بالقوة والمجد أيتها الأمرأة · محبي الإله يباركونك · في السموات وعلى الأرض.

Hail to you O Virgin, the very and true queen, hail to the pride of our race, who gave birth to Emmanuel.

Ⲭⲉⲣⲉ ⲛⲉ ⲱ̀ Ϯⲡⲁⲣⲑⲉⲛⲟⲥ: ϯⲟⲩⲣⲱ ⲙ̀ⲙⲏⲓ ⲛ̀ⲗ̀ⲏⲑⲓⲛⲏ: ⲭⲉⲣⲉ ⲡ̀ϣⲟⲩϣⲟⲩ ⲛ̀ⲧⲉ ⲡⲉⲛⲅⲉⲛⲟⲥ: ⲁ̀ⲣⲉϫ̀ⲫⲟ ⲛⲁⲛ ⲛ̀Ⲉⲙⲙⲁⲛⲟⲩⲏⲗ.

السلام لك أيتها العذراء الملكة الحقيقية الحقانية. السلام لفخر جنسنا. ولدت لنا عمانوئيل.

طرح واطس على تذاكية يوم الأربعاء

Ⲛⲓⲧⲁⲅⲙⲁ ⲧⲏⲣⲟⲩ ⲛ̀ⲧⲉ ⲛⲓⲫⲏⲟⲩⲓ̀: ⲉⲩϫⲱ ⲛ̀ϩⲁⲛⲧⲁⲓⲟ ⲉⲑⲃⲏϯ: ⲱ ϯⲃⲁⲕⲓ ⲛ̀ⲧⲉ Ⲫϯ: ⲑⲏⲉⲧϣⲟⲡ ϩⲓϫⲉⲛ ⲡⲓⲕⲁϩⲓ.

كل الطغمات السمائية · تقول كرامات عنكِ · يا مدينة الله · الكائنة على الأرض.

Ⲁⲩⲥⲁϫⲓ ⲉⲑⲃⲏϯ ⲱ ϯⲡⲁⲣⲑⲉⲛⲟⲥ: ⲛ̀ϩⲁⲛⲛⲓϣϯ ⲛ̀ⲧⲁⲓⲟ: ⲱ Ⲙⲁⲣⲓⲁ ⲑ̀ⲙⲁⲩ ⲙ̀Ⲫϯ: ⲫ̀ⲣⲉϥⲑⲁⲙⲓⲟ ⲛ̀ⲛⲓⲉⲱⲛ. 

تكلموا من أجلكِ أيتها العذراء · بكرامات عظيمة · يا مريم أم الله · الخالق الدهور.

Ⲟⲩⲛⲓϣϯ ⲅⲁⲣ ⲧⲉ ϯⲧⲓⲙⲏ: ⲉⲧⲁⲕⲙ̀ⲡ̀ϣⲁ ⲙ̀ⲙⲟⲥ ⲱ Ⲅⲁⲃⲣⲏⲓⲗ: ⲡⲓⲁⲅⲅⲉⲗⲟⲥ ⲛ̀ⲧⲉ ⲫ̀ⲣⲁϣⲓ: ⲉⲕⲧⲁⲙⲟⲛ ⲉⲡⲁⲟⲙⲩⲥⲧⲏⲣⲓⲟⲛ. 

عظيمة هي الكرامة · التي استحققتها يا غبريال · ملاك الفرح · إذ قد أعلمتنا بهذا السر.

Ⲉⲧⲁⲕⲓ̀ ⲉⲡⲉⲥⲏⲧ ⲉⲃⲟⲗϧⲉⲛ ⲧ̀ⲫⲉ: ϩⲓⲧⲉⲛ Ⲫⲓⲱⲧ ⲡⲓⲡⲁⲛⲧⲟⲕⲣⲁⲧⲱⲣ: ⲉϯⲥⲉⲙⲛⲏ ⲡ̀ⲙⲁⲛⲁⲅⲓⲁ: ⲉⲕⲱϣ ⲉⲣⲟⲥ ⲉⲕϫⲱ ⲙ̀ⲙⲟⲥ. 

لما نزلتَ من السماء · من قبل ضابط الكل · إلى القديسة الهادئة · وصرخت إليها قائلاً.

Ϫⲉ ⲭⲉⲣⲉ ⲑⲏⲉⲑⲙⲉϩ ⲛ̀ϩ̀ⲙⲟⲧ: ⲟⲩⲟϩ Ⲡϭⲟⲓⲥ ϣⲟⲡ ⲛⲉⲙⲉ: ⲁⲣⲉϫⲓⲙⲓ ⲛ̀ⲟⲩⲡⲁⲣⲣⲏⲥⲓⲁ: ⲙ̀ⲡⲉⲙ̀ⲑⲟ ⲙ̀Ⲫϯ ⲡ̀ⲟⲩⲣⲟ ⲛ̀ⲧⲉ ⲧ̀ⲫⲉ. 

افرحي يا ممتلئة نعمة · الرب معك · قد وجدتِ دالة · قدام الله ملك السماء.

Ⲟⲩϣⲁⲓ ⲙ̀ⲡⲁⲣⲑⲉⲛⲓⲕⲟⲛ: ⲟⲩⲣⲁϣⲓ ⲙ̀ⲡ̅ⲛ̅ⲁ̅ⲧⲓⲕⲟⲛ: ⲡⲉ ⲡⲁⲓⲛⲓϣϯ ⲙ̀ⲙⲩⲥⲧⲏⲣⲓⲟⲛ: ⲉⲧϭⲟⲥⲓ ⲛ̀ⲧ̀ⲫⲉ ⲛⲉⲙ ⲡ̀ⲕⲁϩⲓ. 

عيد عذروى · وفرح روحاني · هذا هو السر العظيم · الذي ارتفع على السماء والأرض.

Ⲁⲙⲱⲓⲛⲓ ⲛⲓⲗⲁⲟⲥ ⲧⲏⲣⲟⲩ: ⲧⲉⲛⲉⲣⲙⲁⲕⲁⲣⲓⲍⲓⲛ ⲙ̀ⲙⲟⲥ: ⲉⲛϫⲱ ⲙ̀ⲙⲟⲥ ⲙ̀ⲡⲁⲓⲣⲏϯ: ϫⲉ ⲭⲉⲣⲉ ⲛⲉ ⲱ ϯⲡⲁⲣⲑⲉⲛⲟⲥ. 

تعالوا يا جميع الشعوب · نطوبها · قائلين هكذا · السلام لك أيتها العذراء.

Ⲭⲉⲣⲉ ⲡⲓⲡⲁⲣⲁⲇⲓⲥⲟⲥ: ⲭⲉⲣⲉ ⲡⲓϣ̀ϣⲏⲛ ⲛ̀ⲣⲉϥϯⲕⲁⲣⲡⲟⲥ: ⲡⲓⲓⲁϩⲁⲗⲟⲗⲓ ⲛ̀ⲧⲁⲫ̀ⲙⲏⲓ: ⲉⲧⲉ ⲫⲁⲓ ⲡⲉ Ⲉⲙⲙⲁⲛⲟⲩⲏⲗ.

السلام للفردوس · السلام للشجرة المثمرة · والكرم الحقيقي · الذي هو عمانوئيل.

Ⲭⲉⲣⲉ ϯⲃⲱⲕⲓ ⲟⲩⲟϩ ϯⲙⲁⲩ: ϯⲡⲁⲣⲑⲉⲛⲟⲥ ⲟⲩⲟϩ ⲧ̀ⲫⲉ: ϫⲉ ⲛ̀ⲑⲟⲥ ⲁⲥϣⲱⲡⲓ ⲛ̀ⲟⲩⲑ̀ⲣⲟⲛⲟⲥ: ⲙ̀ⲫⲏⲉⲧϩⲉⲙⲥⲓ ϩϫⲉⲛ Ⲛⲓⲭⲉⲣⲟⲩⲃⲓⲙ. 

السلام للعبدَة والأم · العذراء والسماء · لأنها صارت كرسياً · للجالس على الشاروبيم.

Ϧⲉⲛ ⲛⲁⲓ ⲧⲉⲛⲣⲁϣⲓ ⲧⲉⲛⲉⲣⲯⲁⲗⲓⲛ: ⲛⲉⲙ ⲟⲩⲑⲉⲗⲏⲗ ⲉⲛϫⲱ ⲙ̀ⲙⲟⲥ: ϫⲉ ⲟⲩⲱⲟⲩ ϧⲉⲛ ⲛⲏⲉⲧϭⲟⲥⲓ ⲙ̀Ⲫϯ: ⲛⲉⲙ ⲟⲩϩⲓⲣⲏⲛⲏ ϩⲓϫⲉⲛ ⲡⲓⲕⲁϩⲓ.

لهذا نفرح ونرتل · بتهليل قائلين · المجد لله فى العلاء · وعلى الأرض السلام.

Ⲛⲉⲙ ⲟⲩϯⲙⲁϯ ϧⲉⲛ ⲛⲓⲣⲱⲙⲓ: ϫⲉ ⲁϥⲓ̀ ⲛ̀ϫⲉ ⲡ̀ϣⲏⲣⲓ ⲙ̀Ⲫϯ: ⲁϥϭⲓⲥⲁⲣⲝ ⲉⲃⲟⲗϧⲉⲛ ⲡⲓⲡ̀ⲛⲉⲩⲁ ⲉⲑⲟⲩⲁⲃ: ⲛⲉⲙ Ⲙⲁⲣⲓⲁ ϯⲡⲁⲣⲑⲉⲛⲟⲥ. 

وفي الناس المسرة · لأن ابن الله · قد أتى وتجسد من الروح القدس · ومن مريم العذراء.

Ⲟⲩⲛⲓϣϯ ⲡⲉ ⲡ̀ⲧⲁⲓⲟ ⲙ̀Ⲙⲁⲣⲓⲁ: ⲡⲁⲣⲁ ⲟⲩⲟⲛ ⲛⲓⲃⲉⲛ ⲉⲧϩⲓϫⲉⲛ ⲡ̀ⲕⲁϩⲓ: ϫⲉ ⲁⲥⲙ̀ⲡ̀ϣⲁ ⲛ̀ϣⲱⲡ ⲉⲣⲟⲥ: ⲙ̀ⲫ̀ⲣⲉϥⲑⲁⲙⲓⲟ ⲛ̀ϯⲕ̀ⲧⲏⲥⲓⲥ. 

عظيمة هي كرامة مريم · أكثر من كل من على الأرض · لأنها أستحقت أن تقبل إليها · خالق البشرية.

Ϯⲅⲁⲗⲓⲗⲉⲁ ⲛ̀ⲧⲉ ⲛⲓⲉⲑⲛⲟⲥ: ⲡⲓⲗⲁⲟⲥ ⲉⲧϩⲉⲙⲥⲓ ϧⲉⲛ ⲡⲓⲭⲁⲕⲓ: ⲁϥⲛⲁⲩ ⲉⲟⲩⲛⲓϣϯ ⲛ̀ⲟⲩⲱⲓⲛⲓ: ⲁϥⲉⲣⲟⲩⲱⲓⲛⲓ ⲉⲣⲱⲟⲩ. 

جليل الامم الشعب · الجالس في الظلمة · أبصر نوراً عظيماً · أضاء عليهم.

Ⲓⲉⲍⲉⲕⲓⲏⲗ ⲛⲁⲩ ⲉϯⲡⲩⲗⲏ: ⲥⲁⲡ̀ⲥⲁ ⲛ̀ϯⲁⲛⲁⲧⲟⲗⲏ: ⲉⲥⲧⲟⲃ ϧⲉⲛ ⲟⲩⲧⲉⲃⲥ ⲛ̀ϣ̀ⲫⲏⲣⲓ: ⲙ̀ⲡⲉ ϩ̀ⲗⲓ ϣⲉ ⲉϧⲟⲩⲛ ⲉⲣⲟⲥ. 

حزقيال نظر باباً · نحو المشرق مختوماً · بختم عجيب · لم يدخله أحد.

Ⲉⲃⲏⲗ ⲙ̀Ⲫϯ ⲡⲓⲗⲟⲅⲟⲥ: ⲁϥϣⲉ ⲉϧⲟⲩⲛ ⲁϥⲓ̀ ⲉⲃⲟⲗ: ϧⲉⲛ Ⲙⲁⲣⲓⲁ ϯⲙⲁⲥⲛⲟⲩϯ: ⲑⲏⲉⲧⲉ ϯⲙⲩⲗⲏ ⲛ̀ⲧⲁⲫ̀ⲙⲏⲓ. 

إلا الله الكلمة · قد دخل وخرج · من مريم والدة الإله · التي هي الباب الحقيقي.

Ⲉⲑⲃⲉ ⲫⲁⲓ ⲧⲉⲛⲉⲣⲯⲁⲗⲓⲛ: ⲉⲛϫⲱ ⲙ̀ⲙⲟⲥ ⲛⲉⲙ Ⲓⲉⲍⲉⲕⲏⲓⲗ: ⲱ ϯⲡⲩⲗⲏ ⲛ̀ⲧⲉ ⲛⲓⲙⲁⲛ̀ϣⲁⲓ: ⲁⲣⲓⲡ̀ⲣⲉⲥⲃⲉⲩⲓⲛ ⲉϫⲱⲛ.

من أجل هذا نرتل · قائلين مع حزقيال · يا باب المشارق · اشفعى فينا.