إبصالية واطس عل تذاكية يوم الأربعاء

Ⲁ̀ⲙⲱⲓⲛⲓ ⲧⲏⲣⲟⲩ ⲱ̀ ⲛⲓⲡⲓⲥⲧⲟⲥ: ⲛ̀ⲧⲉⲛϩⲱⲥ ⲉ̀ⲡ̀ⲟⲩⲣⲟ Ⲡⲓⲭⲣⲓⲥⲧⲟⲥ: ⲟⲩⲟϩ ⲛ̀ⲧⲉⲛⲱϣ ⲉ̀ⲃⲟⲗ ⲣⲏⲧⲟⲥ: ϫⲉ ⲭⲉⲣⲉ ⲛⲉ ⲱ̀ Ϯⲡⲁⲣⲑⲉⲛⲟⲥ.

تعالوا جميعاً أيها المؤمنين · لنسبح الملك المسيح · ونصرخ جهراً قائلين · السلام لك أيتها العذراء.

Ⲃⲟⲛ ⲟⲩⲣⲁϣⲓ ⲛⲉⲙ ⲟⲩϩⲩⲙⲛⲟⲥ: ⲉⲣⲡ̀ⲣⲉⲡⲓ ⲛ̀ϯϣⲉⲗⲉⲧ ⲙ̀ⲙⲏⲓ: ⲙⲁⲣⲉⲛⲱϣ ⲉ̀ⲃⲟⲗ ⲉⲛϫⲱ ⲙ̀ⲙⲟⲥ: ϫⲉ ⲭⲉⲣⲉ ⲛⲉ ⲱ̀ ϯⲟⲩⲣⲟ ⲙ̀ⲙⲏⲓ.

كل فرح وتسبيح · يليق بالعروسة الحقيقية · فلنصرخ قائلين · السلام لك أيتها الملكة الحقيقة.

Ⲅⲉⲛⲟⲥ ⲛⲓⲃⲉⲛ ⲛ̀ⲧⲉ ⲛⲓⲣⲱⲙⲓ: ⲉⲩⲧⲟⲙⲓ ⲉ̀Ϯⲑⲉⲟ̀ⲧⲟⲕⲟⲥ: ⲧⲉⲛϯⲱ̀ⲟⲩ ⲛⲉ ϧⲉⲛ ϩⲁⲛϩⲩⲙⲛⲟⲥ: ϫⲉ ⲭⲉⲣⲉ ⲡ̀ϣⲟⲩϣⲟⲩ ⲙ̀ⲡⲉⲛⲅⲉⲛⲟⲥ.

كل جنس البشر · يمدحون لوالدة الإله · نمجدك بتراتيل قائلين · السلام لفخر جنسنا.

Ⲇⲉⲥⲡⲟⲩⲧⲁ Ⲓⲏⲥⲟⲩⲥ Ⲡⲓⲭⲣⲓⲥⲧⲟⲥ: ⲁⲥⲙⲓⲥⲓ ⲙ̀ⲙⲟϥ ⲉⲥⲟⲓ ⲙ̀ⲡⲁⲣⲑⲉⲛⲟⲥ: ⲙⲁⲣⲉⲛⲣⲁϣⲓ ϧⲉⲛ ϩⲁⲛⲯⲁⲗⲙⲟⲥ: ϫⲉ ⲭⲉⲣⲉ ⲡⲓⲑ̀ⲣⲟⲛⲟⲥ ⲛ̀ⲧⲉ Ⲡⲓⲭⲣⲓⲥⲧⲟⲥ.

السيد يسوع المسيح · ولدته وهي عذراء · فلنفرح بتراتيل قائلين · السلام لكرسي المسيح.

Ⲉ̀ⲗⲉⲏ̀ⲥⲟⲛ ⲏ̀ⲙⲁⲥ ⲱ̀ Ⲩ̀ⲓⲟⲥ Ⲑⲉⲥⲥ: ϩⲓⲧⲉⲛ ⲛⲓⲡ̀ⲣⲉⲥⲃⲩⲁ̀ ⲛ̀ⲑⲏⲉ̀ⲧⲉⲛϩⲟⲧ: Ⲙⲁⲣⲓⲁ̀ ⲡ̀ⲑⲉⲗⲏⲗ ⲛ̀ⲧⲉ ⲛⲓⲁⲅⲅⲉⲗⲟⲥ: ⲑⲏⲉ̀ⲑⲙⲉϩ ⲛ̀ϩ̀ⲙⲟⲧ.

ارحمنا يا ابن الله · بشفاعة الأمينة · مريم تهليل الملائكة · قائلين السلام للمملوءة نعمة.

Ⲍⲉⲟϣ ⲛ̀ϫⲉ ⲛⲉⲉⲩⲫⲟⲙⲓⲁ̀: ⲉ̀ϩⲟⲧⲉ ⲛⲓⲥⲓⲟⲩ ⲛ̀ⲧⲉ ⲧ̀ⲫⲉ: ⲧⲉⲛϯⲱ̀ⲟⲩ ⲛⲉ ϧⲉⲛ ϩⲁⲛⲯⲁⲗⲓⲁ̀: ϫⲉ ⲭⲉⲣⲉ ϯⲁⲧⲑⲱⲗⲉⲃ ⲛ̀ⲥⲉⲙⲛⲉ.

كثيرة هي مدائحك · اكثر من نجوم السماء · فنمجدك بتراتيل قائلين · السلام للغير الدنسة الهادئة.

Ⲏ̀ⲥⲁⲏ̀ⲁⲥ ⲡⲓⲛⲓϣϯ ⲙ̀ⲡ̀ⲣⲟⲫⲏⲧⲏⲥ: ⲁϥϫⲟⲥ ϧⲉⲛ ⲟⲩⲥ̀ⲙⲏ ⲛ̀ⲑⲉⲗⲏⲗ: ⲙⲁⲣⲉⲛϫⲟⲥ ⲛⲉⲙⲁϥ ⲕⲁⲗⲱⲥ: ϫⲉ ⲭⲉⲣⲉ ⲑ̀ⲙⲁⲩ ⲛ̀Ⲉⲙⲙⲁⲛⲟⲩⲏⲗ.

اشعياء عظيم الأنبياء · تكلم بصوت التهليل · فلنقول معه حسناً · السلام لأم عمانوئيل.

Ⲑⲉⲗⲏⲗ ⲱ̀ ⲛⲉⲛⲓⲟϯ ⲛ̀ⲛⲓⲇⲓⲕⲉⲟⲥ: Ⲁⲃⲣⲁⲁⲙ ⲛⲉⲙ Ⲓ̀ⲥⲁⲁⲕ ⲛⲉⲙ Ⲓⲁⲕⲱⲃ: ⲑⲉⲗⲏⲗ ⲛⲉⲙⲱⲟⲩ ⲕⲁⲗⲱⲥ: ϫⲉ ⲭⲉⲣⲉ ⲛⲉ ϩⲁⲛⲑ̀ⲃⲁ ⲛ̀ⲕⲱⲃ.

تهللوا يا آبائنا الصديقين · إبراهيم واسحق ويعقوب · تهللوا معهم حسناً · قائلين السلام لك ربوات أضعاف.

Ⲓⲉⲍⲉⲕⲓⲏⲗ ⲡⲉϫⲁϥ ⲇⲉ ⲟⲛ: ϫⲉ ⲛ̀ⲑⲟ ⲡⲉ ϯⲡⲩⲗⲏ ⲛ̀ⲧⲉ ⲛⲓⲙⲁⲛ̀ϣⲁⲓ: ⲁ̀ⲙⲱⲓⲛⲓ ⲙⲁⲣⲉⲛϫⲟⲥ ⲇⲉ ⲟⲛ: ϫⲉ ⲭⲉⲣⲉ ⲑ̀ⲙⲁⲩ ⲙ̀ⲡⲓⲁ̀ⲇⲱⲛⲁⲓ.

أيضاً حزقيال قال عنكِ · أنكِ أنت هي الباب بناحية المشرق · تعالوا نقول نحن أيضاً · السلام لأم أدوناي.

Ⲕⲉ ⲡⲁⲗⲓⲛ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ: ⲛ̀ⲑⲟⲥ ⲁⲥϯⲛⲟⲙϯ ⲛⲱⲟⲩ: ϧⲉⲛ ⲛⲟⲩϩⲟϫϩⲉϫ ⲙⲁⲣⲉⲛϫⲟⲥ: ϫⲉ ⲭⲉⲣⲉ ⲑ̀ⲙⲁⲩ ⲙ̀ⲡ̀ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ.

وأيضاً آباءنا الرسل · هي قد عزَّتهم في ضوائقهم · فلنقل نحن · السلام لأم ملك المجد.

Ⲗⲁⲥ ⲛⲓⲃⲉⲛ ⲛⲉⲙ ϣ̀ⲗⲟⲗ ⲛⲓⲃⲉⲛ: ⲉⲩⲧⲟⲙⲓ ⲙ̀Ⲙⲁⲣⲓⲁ̀ Ϯⲡⲁⲣⲑⲉⲛⲟⲥ: ⲙⲁⲣⲉⲛϯⲱ̀ⲟⲩ ⲛⲉ ⲛ̀ⲥⲏⲟⲩ ⲛⲓⲃⲉⲛ: ϫⲉ ⲭⲉⲣⲉ ⲡ̀ϣⲟⲩϣⲟⲩ ⲛ̀ⲛⲓⲁ̀ⲡⲟⲥⲧⲟⲗⲟⲥ.

كل الألسن وكل الأمم · يمجدونك يا مريم العذراء · فلنمجدك نحن أيضاً قائلين · السلام لفخر الرسل.

Ⲙⲁⲣⲉⲛϩⲱⲥ ⲛⲉⲙ ⲛⲓⲁⲅⲅⲉⲗⲟⲥ: ϧⲉⲛ ⲫ̀ⲣⲁⲛ ⲙ̀Ⲙⲁⲣⲓⲁ̀ Ϯⲡⲁⲣⲑⲉⲛⲟⲥ: ⲟⲩⲟϩ ⲛ̀ⲧⲉⲛⲱϣ ⲉ̀ⲃⲟⲗ ⲣⲏⲧⲟⲥ: ϫⲉ ⲭⲉⲣⲉ ⲡⲓⲭ̀ⲗⲟⲙ ⲛ̀ⲛⲓⲙⲁⲣⲧⲩⲣⲟⲥ.

فلنسبح لاسم مريم العذراء · ونصرخ جهراً · مع الملائكة قائلين · السلام لإكليل الشهداء.

Ⲛⲓⲧⲁⲅⲙⲁ ⲧⲏⲣⲟⲩ ⲛ̀ⲧⲉ ⲛⲓⲫⲏⲟⲩⲓ̀: ⲥⲉϫⲱ ⲛ̀ⲛⲉⲙⲁⲕⲁⲣⲓⲥⲙⲟⲥ: ⲧⲉⲛϯⲱ̀ⲟⲩ ⲛⲉ ⲱ̀ ϯⲫⲉ ⲙ̀ⲃⲉⲣⲓ: ϫⲉ ⲭⲉⲣⲉ ⲡ̀ⲑⲉⲗⲏⲗ ⲛ̀ⲛⲓⲇⲓⲕⲉⲟⲥ.

جميع الطغمات السمائية · ينشدون طوبانيتك · فلهذا نمجدك أيتها السماء الجديدة قائلين · السلام لتهليل الصديقين.

Ⲝⲙⲁⲣⲱⲟⲩⲧ ⲱ̀ ⲡⲉⲛⲛⲏⲃ Ⲡⲓⲭⲣⲓⲥⲧⲟⲥ: ⲁ̀ⲣⲉϩ ⲉ̀ⲣⲟⲛ ϣⲁ ϯⲥⲩⲛⲧⲉⲗⲓⲁ̀: ϧⲉⲛ ⲛⲓⲡⲓⲣⲁⲥⲙⲟⲥ ⲉⲑⲃⲉ Ϯⲡⲁⲣⲑⲉⲛⲟⲥ: ϫⲉ ⲭⲉⲣⲉ ⲡ̀ⲧⲁϫⲣⲟ ⲛ̀ⲛⲓⲉⲕⲕ̀ⲗⲏⲥⲓⲁ̀.

تباركت يا سيدنا المسيح · أحفظنا إلى الانقضاء · من التجارب من اجل العذراء لنقول · السلام لثبات الكنائس.

Ⲟⲩⲛⲓϣϯ ⲡⲉ ⲡ̀ⲧⲁⲓⲟ̀ ⲙ̀Ⲙⲁⲣⲓⲁ̀: ⲡⲁⲣⲁ ⲛⲏⲉⲑⲟⲩⲁⲃ ⲧⲏⲣⲟⲩ: ⲧⲉⲛϯⲱ̀ⲟⲩ ⲛⲉ ϧⲉⲛ ⲟⲩⲡⲁⲣⲣⲏⲥⲓⲁ̀: ϫⲉ ⲭⲉⲣⲉ ⲑⲏⲉⲑⲙⲉϩ ⲛ̀ⲱ̀ⲟⲩ.

عظيمة هي كرامتك يا مريم · عن جميع القديسين · فلنمجدك بدالة قائلين · السلام للمملوءة مجداً.

Ⲡⲉⲛⲛⲏⲃ ϫⲱⲣ ⲉ̀ⲃⲟⲗ ⲛ̀ⲛⲓϫⲁϫⲓ: ⲛ̀ⲧⲉ ϯⲉⲕⲕ̀ⲗⲏⲥⲓⲁ̀ ⲉⲑⲃⲉ Ϯⲡⲁⲣⲑⲉⲛⲟⲥ: ⲧⲉⲛϯⲱ̀ⲟⲩ ⲛⲉ ⲑ̀ⲙⲁⲩ ⲙ̀ⲡⲓⲟⲩⲱⲓⲛⲓ: ϫⲉ ⲭⲉⲣⲉ ⲡⲓⲡⲁⲣⲁⲇⲓⲥⲟⲥ.

يا سيدنا بدد أعداء · الكنيسة من أجل العذراء · فلنمجدكِ يا أم النور قائلين · السلام للفردوس.

Ⲣⲱⲓⲥ ⲉ̀ⲣⲟⲛ ⲉ̀ⲃⲟⲗϧⲉⲛ ⲛⲉⲛϫⲁϫⲓ: ϩⲓⲧⲉⲛ ⲛⲓϯϩⲟ ⲛ̀ⲑⲏⲉ̀ⲧⲉⲛϩⲟⲧ: ⲙⲁⲣⲉⲛⲉⲣⲯⲁⲗⲓⲛ ϧⲉⲛ ⲟⲩⲣⲁϣⲓ: ϫⲉ ⲭⲉⲣⲉ ⲑⲏⲉ̀ⲧⲁⲥϫⲉⲙ ϩ̀ⲙⲟⲧ.

أحرسنا من أعدائنا · بسؤالات الأمينة · فلنرتل بفرح قائلين · السلام للتي وجدت نعمة.

Ⲥⲱⲧⲉⲙ ⲉ̀ⲛⲓⲧⲱⲃϩ ⲛ̀ⲧⲉ ⲛⲉⲛⲓⲟϯ: ⲛⲓⲡ̀ⲣⲉⲥⲃⲩⲧⲉⲣⲟⲥ ⲛⲉⲙ ⲛⲓⲇⲓⲁ̀ⲕⲱⲛ: ⲧⲉⲛϭⲓⲥⲓ ⲙ̀ⲙⲟ ⲱ̀ Ϯⲙⲁⲥⲛⲟⲩϯ: ϫⲉ ⲭⲉⲣⲉ ⲑ̀ⲙⲁⲩ ⲛ̀ⲕⲩⲣⲓⲱⲛ.

إسمع طلبات آبائنا · الكهنة والشمامسة · فلنمجدك يا والدة الإله · قائلين السلام لأم الرب.

Ⲧⲉⲛⲛⲁϩϯ ⲉ̀ⲣⲟⲕ ⲉⲑⲃⲉ ϯⲁ̀ⲅⲁⲡⲏ: ⲉⲥⲉ̀ϣⲱⲡⲓ ϧⲉⲛ ⲡⲉⲕⲗⲁⲟⲥ: ⲉⲑⲃⲉ ⲛⲉⲥϯϩⲟ ⲙⲁⲣⲉⲛⲣⲁϣⲓ: ϫⲉ ⲭⲉⲣⲉ ⲑⲏⲉ̀ⲧⲁⲥⲙⲉⲥ Ⲡⲓⲭⲣⲓⲥⲧⲟⲥ.

نؤمن بكَ لمحبتك · الكائنة في شعبك · لأجل سؤالاتها فلنفرح · قائلين السلام للتي ولدت المسيح.

Ⲩ̀ⲓⲟⲥ Ⲑⲉⲟⲥ ⲱ̀ⲗⲓ ⲙ̀ⲡⲉⲕϫⲱⲛⲧ: ⲉ̀ⲃⲟⲗ ϩⲁⲣⲟⲛ ⲱ̀ Ⲡⲉⲛⲛⲏⲃ Ⲡⲓⲭⲣⲓⲥⲧⲟⲥ: ⲧⲉⲛϯⲱ̀ⲟⲩ ⲛⲉ ⲱ̀ ⲑⲏⲉⲧⲥ̀ⲙⲁⲣⲱⲟⲩⲧ: ϫⲉ ⲭⲉⲣⲉ ⲧ̀ϣⲉⲣⲓ ⲛ̀ⲛⲓⲇⲓⲕⲉⲟⲥ.

يا ابن الله ارفع غضبك عنا · أيها المسيح سيدنا · فلنمجدك أيتها المباركة · قائلين السلام لأبنة الصديقين.

Ⲫ̀ⲛⲟⲩϯ ⲛⲁϩⲙⲉⲛ ϧⲉⲛ ⲛⲉⲛⲑ̀ⲗⲩⲯⲓⲥ: ⲟⲩⲟϩ ϫⲱⲕⲧⲉⲛ ⲛ̀ϩⲁⲛⲭ̀ⲣⲏⲥⲧⲓⲁ̀ⲛⲟⲥ: ⲙⲁⲣⲉⲛⲉⲣⲭⲱⲣⲉⲩⲓⲛ ⲛ̀ⲧⲉⲛϩⲉⲗⲡⲓⲥ: ϫⲉ ⲭⲉⲣⲉ Ϯⲑⲉⲟ̀ⲧⲟⲕⲟⲥ.

يا الله نجنا من ضوائقنا · وكملنا مسيحيين · فلنرتل ونترجي · قائلين السلام لوالدة الإله.

Ⲭⲉⲣⲉ ⲡⲓⲉⲣⲫⲉⲓ ⲛ̀ⲧⲉ Ⲫ̀ⲛⲟⲩϯ: ⲭⲉⲣⲉ ⲛⲉ ⲱ̀ ⲡⲓⲑ̀ⲣⲟⲛⲟⲥ: ⲭⲉⲣⲉ ⲛⲉ ⲱ̀ Ϯⲙⲁⲥⲛⲟⲩϯ: ϫⲉ ⲭⲉⲣⲉ ⲑ̀ⲙⲁⲩ ⲛ̀Ⲓⲏⲥⲟⲩⲥ Ⲡⲓⲭⲣⲓⲥⲧⲟⲥ.

السلام لهيكل الله · السلام لكِ أيتها الكرسي · السلام لكِ يا والدة الإله · السلام لك يا أم يسوع المسيح.

Ⲯⲩⲭⲏ ⲛⲓⲃⲉⲛ ⲛ̀ⲟⲣⲑⲟⲇⲟⲝⲟⲥ: ⲙⲁⲉⲙⲧⲟⲛ ⲛⲱⲟⲩ ⲉⲑⲃⲉ Ϯⲡⲁⲣⲑⲉⲛⲟⲥ: ⲧⲉⲛϯⲱ̀ⲟⲩ ⲛⲉ ⲑ̀ⲙⲁⲩ ⲙ̀Ⲡⲓⲭⲣⲓⲥⲧⲟⲥ: ϫⲉ ⲭⲉⲣⲉ ϯϭ̀ⲣⲟⲙⲡⲓ ⲉⲑⲛⲉⲥⲟⲥ.

كل أنفس الأرثوذكسيين · نيحهم لأجل العذراء · نمجدك يا أم المسيح · قائلين السلام للحمامة الحسنة.

Ⲱ̀ Ⲡⲉⲛⲛⲏⲃ ⲁ̀ⲣⲓⲡⲁⲙⲉⲩⲓ̀: ⲁ̀ⲛⲟⲕ ⲡⲓⲕⲉⲣⲙⲓ Ⲛⲓⲕⲟⲩⲇⲓⲙⲟⲥ: ⲛⲉⲙ ⲛⲓⲭ̀ⲣⲏⲥⲧⲓⲁ̀ⲛⲟⲥ ϭⲁⲥⲟⲩ: ϫⲉ ⲭⲉⲣⲉ ⲑ̀ⲙⲁⲩ ⲛ̀Ⲩ̀ⲓⲟⲥ Ⲑⲉⲟⲥ.

يا سيدنا اذكرني · أنا الرماد نيقوديموس · وكذا المسيحيين أرفعهم · لنقول السلام لأم ابن الله.