Commemoration of the Virgin, Angels, Fathers, Prophets, Apostles, Martyrs and Saints

Adam Psali: Commemoration of the Virgin, Angels, Apostles, Martyrs and the Righteous

Ⲁ̀ⲙⲱⲓⲛⲓ ⲙⲁⲣⲉⲛⲟⲩⲱϣⲧ: ⲛ̀ϯⲧ̀ⲣⲓⲁⲥ ⲉ̅ⲑ̅ⲩ̅: ⲉ̀ⲧⲉ Ⲫ̀ⲓⲱⲧ ⲛⲉⲙ ⲡ̀ϣⲏⲣⲓ: ⲛⲉⲙ Ⲡⲓⲡ̅ⲛ̅ⲁ̅ ⲉ̅ⲑ̅ⲩ̅.

تعالوا نسجد للثالوث المقدس الأب والابن والروح القدس.

Ⲁ̀ⲛⲟⲛ ϧⲁ ⲛⲓⲗⲁⲟⲥ ⲛ̀ⲛⲓⲭ̀ⲣⲏⲥⲧⲓⲁ̀ⲛⲟⲥ: ⲫⲁⲓ ⲅⲁⲣ ⲡⲉ Ⲡⲉⲛⲛⲟⲩϯ: ⲛ̀ⲁⲗⲏⲑⲓⲛⲟⲥ.

نحن الشعوب المسيحيين لأن هذا هو الاهنا الحقيقي.

Ⲃⲟⲛ ⲟⲩϩⲉⲗⲡⲓⲥ ⲛ̀ⲧⲁⲛ: ϧⲉⲛ ⲑⲏⲉ̅ⲑ̅ⲩ̅ Ⲙⲁⲣⲓⲁ̀: ⲉ̀ⲣⲉ Ⲫϯ ⲛⲁⲓ ⲛⲁⲛ: ϩⲓⲧⲉⲛ ⲛⲉⲥⲡ̀ⲣⲉⲥⲃⲩⲁ̀.

رجاؤنا نحن بالقديسة مريم أن الله يرحمنا بشفاعتها.

Ⲃⲟⲛ ⲟⲩⲙⲉⲧⲥⲉⲙⲛⲟⲥ: ⲛ̀ϩ̀ⲣⲏⲓ ϧⲉⲛ ⲡⲓⲕⲟⲥⲙⲟⲥ: ⲉ̀ⲉ̀ⲃⲟⲗ ϩⲓⲧⲉⲛ ⲡⲓϣ̀ⲗⲏⲗ: ⲛ̀ⲧⲉ Ⲙⲓⲭⲁⲏⲗ.

كل هدو في العالم من قبل صلاة ميخائيل.

Ⲅⲉⲛⲟⲥ ⲛ̀Ⲁ̀ⲇⲁⲙ: ⲁϥϣⲱⲡⲓ ϧⲉⲛ ⲟⲩⲑⲉⲗⲏⲗ: ϩⲓⲧⲉⲛ ⲡⲓϩⲓⲱⲓϣ: ⲛ̀ⲧⲉ Ⲅⲁⲃⲣⲏⲓⲗ.

جنس آدم صار متهللًا من قبل بشارة غبريال.

Ⲅⲉ ⲅⲁⲣ Ⲣⲁⲫⲁⲏⲗ: ⲡⲉ ⲡ̀ⲟⲩⲛⲟϥ ⲛ̀ϩⲏⲧ: ϫⲉ ⲁ̀Ⲫϯ ⲡⲓⲛⲁⲏⲧ: ⲙⲁϩϥ ⲙ̀ⲙⲉⲧϣⲉⲛϩⲏⲧ.

أيضا رفائيل هو مفرح القلوب لأن الله الرحوم ملأه تحننا.

Ⲇⲓⲕⲉⲟⲥ ϥ̀ⲉⲙⲡ̀ϣⲁ: ⲙ̀ⲡⲓⲁⲅⲓⲁⲥⲙⲟⲥ: Ⲥⲟⲩⲣⲓⲏⲗ ⲡⲓⲛⲓϣϯ: ⲛ̀ⲁⲣⲭⲏⲁⲅⲅⲉⲗⲟⲥ

بالحقيقة مستحق التقديس يا سوريال العظيم في رؤساء الملائكة.

Ⲉⲩϯϩⲟ ⲉ̀ϫⲱⲛ: ⲛ̀ϫⲉ ⲡⲓⲇ̅ ⲛ̀ⲍⲱⲟⲛ: ⲛ̀ⲁ̀ⲥⲱⲙⲁⲧⲟⲥ: ⲉⲧϥⲁⲓ ϧⲁ ⲡⲓⲑ̀ⲣⲟⲛⲟⲥ.

تطلب عنا الأربعة حيوانات الغير المتجسدين الحاملين الكرسي.

<̅ ⲛ̀ⲧⲉⲛϩ ⲉⲩⲥⲟⲡ: ⲙ̀ⲡⲓⲟⲩⲁⲓ ⲙ̀ⲙⲱⲟⲩ: ⲉⲩϩⲱⲥ ⲉⲩϯⲱ̀ⲟⲩ: ⲙ̀Ⲡⲟ̅ⲥ̅ ⲛ̀ⲧⲉ ⲡ̀ⲱ̀ⲟⲩ.

ستة اجنحة لكل واحد منها وهم يسبحون ويمجدون لملك المجد.

Ⲍⲉⲟⲛⲧⲟⲥ ⲡⲓϫⲟⲩⲧϥ̀ⲧⲟⲩ: ⲙ̀ⲡ̀ⲣⲉⲥⲃⲩⲧⲉⲣⲟⲥ: ⲉⲩϩⲉⲙⲥⲓ ϩⲓϫⲉⲛ: ⲕ̅ⲇ̅ ⲛ̀ⲑ̀ⲣⲟⲛⲟⲥ.

ايضًا الأربعة والعشرين قسيس جالسين على أربعة وعشرين كرسيا.

Ⲏⲡⲡⲉ ⲁϥⲉⲣⲙⲉⲑⲣⲉ: ⲛ̀ϫⲉ Ⲓⲱ̅ⲥ̅: ϫⲉ ⲁⲓϯⲱⲙⲥ ⲙ̀Ⲡⲟ̅ⲥ̅ ϧⲉⲛ ⲡⲓⲒⲟⲣⲇⲁⲛⲏⲥ.

هوذا شهد يوحنا قائلًا اني عمدت الرب في الأردن.

Ⲑ̀ⲙⲉⲧⲙⲁⲧⲟⲓ ⲛ̀ⲛⲓⲫⲏⲟⲩⲒ̀: ⲁⲩϭⲓϣ̀ⲫⲏⲣⲓ ⲉ̀ⲙⲁϣⲱ: ⲉⲑⲃⲉ ⲡ̀ⲧⲁⲓⲟ̀ ⲛ̀ⲛⲓⲁ̀ⲗⲱⲟⲩⲒ̀: ⲣ̅ϣⲟ ⲙ̅ⲗ̅ ⲛ̀ϣⲟ.

الأجناد السمائية تعجبوا من أجل كرامة الأطفال المائة ألف أربعة وأربعين ألف.

Ⲓⲥ ⲛⲓⲁ̀ⲡⲟⲥⲧⲟⲗⲟⲥ: ⲁⲩϩⲓⲱⲓϣ ϧⲉⲛ ⲡⲓⲕⲟⲥⲙⲟⲥ: ϧⲉⲛ ϯⲁ̀ⲛⲁⲥⲧⲁⲥⲓⲥ: ⲛ̀ⲧⲉ Ⲓⲏ̅ⲥ̅ Ⲡⲭ̅ⲥ̅.

ها الرسل كرزوا في العالم بقيامة يسوع المسيح.

Ⲕⲁⲗⲱⲥ ⲁⲩϭ̀ⲣⲟ: ⲙ̀ⲡ̀ϣⲁϩ ⲛ̀ⲧⲉ ϯϩ̀ⲣⲱ: ⲛ̀ϫⲉ ⲡⲓⲅ̅ ⲛⲓⲁ̀ⲗⲟⲩ: Ⲥⲉⲇⲣⲁⲕ Ⲙⲓⲥⲁⲕ Ⲁⲃⲇⲉⲛⲁⲅⲱ.

حسنا غلبوا لهيب الأتون الثلثة فتية سدراك ميصاك ابداناغو.

Ⲗⲁⲥ ⲛ̀Ⲥ̀ⲧⲉⲫⲁⲛⲟⲥ: ⲁϥϩⲱⲥ ⲁϥⲉⲣϩⲩⲙⲛⲟⲥ: ⲉ̀ⲧⲁⲩϩⲓⲱ̀ⲛⲓ ⲉ̀ϫⲱϥ: ⲉⲑⲃⲉ ⲫ̀ⲣⲁⲛ ⲙ̀Ⲡⲟ̅ⲥ̅.

لسان اسطفانوس سبح حين كانوا يرجمونه لأجل اسم الرب.

Ⲙⲁⲗⲗⲟⲛ ⲡⲓⲁ̀ⲅⲓⲟⲥ: ⲡⲁⲟ̅ⲥ̅ ⲡ̀ⲟⲩⲣⲟ Ⲅⲉⲱⲣⲅⲓⲟⲥ: ⲁϥⲭⲱ ⲛ̀ⲛⲓⲑ̀ⲣⲟⲛⲟⲥ: ⲁⲩⲫⲓⲣⲓⲟ ⲁⲩϯⲕⲣⲡⲟⲥ.

وبالحري القديس سيدي الملك مارجرجس قد جعل الكراسي تزهر وتثمر.

Ⲛ̀ⲑⲟⲕ ⲇⲉ Ⲑⲉⲟⲇⲱⲣⲟⲥ ⲡⲓⲁⲛⲁⲧⲟⲗⲉⲟⲥ: ⲡⲓⲛⲓϣϯ ⲛ̀ⲇⲩⲛⲁⲧⲟⲥ: ϧⲱⲧⲉⲃ ⲙ̀ⲡⲓⲇ̀ⲣⲁⲕⲱⲛ: ⲉⲧϧⲉⲛ Ⲉⲩⲭⲏⲧⲟⲥ.

وأنت يا تادرس المشرقي العظيم القوى قتل التنين الذي بأوخيطس.

Ⲝⲁⲡ̀ϣⲱⲓ ⲉ̀ⲙⲁϣⲱ: ⲱ̀ Ⲙⲉⲣⲕⲟⲣⲓⲟⲥ: ϫⲉ ⲁϥⲥⲁϫⲓ ⲉ̀ⲡⲉⲕⲃⲓⲟⲥ: ⲛ̀ϫⲉ Ⲃⲟⲓⲗⲓⲟⲥ.

تعاليت جدًا يا مرقوريوس لأنه تكلم بسيرتك باسيليوس.

Ⲟⲩⲁ̀ⲅⲓⲟⲥ Ⲙⲏⲛⲁ: ⲡⲓⲥⲱⲧⲡ ⲡⲓⲡⲁⲣⲑⲉⲛⲟⲥ: ⲛⲉⲙ ⲁ̀ⲡⲁ Ⲃⲩⲕⲧⲱⲣ: ⲡ̀ϣⲏⲣⲓ ⲛ̀Ⲣⲱⲙⲁⲛⲟⲥ.

القديس مينا البتول المختار وابا بقطر ابن رومانوس.

Ⲡⲓⲁⲥⲧⲁⲥⲓⲟⲥ: ⲕⲩⲣⲓ Ⲕ̀ⲗⲁⲩⲇⲓⲟⲥ: ⲛⲉⲙ Ⲫⲩⲗⲟⲑⲉⲟⲥ: ⲡⲓⲁⲗⲟⲩ ⲛ̀ⲇⲓⲕⲉⲟⲥ.

الحسن سيدي أقلوديوس وفيلوثاوس الفتي الصديق.

Ⲣⲁϣⲓ Ⲥⲟⲩⲥⲉⲛⲛⲓⲟⲟ: ⲉ̀ⲧⲁϥϣⲁⲣⲓ ⲙ̀ⲡⲓⲃⲉⲣⲍⲉⲗⲓⲁ̀: ⲣⲁϣⲓ ⲕⲩⲣⲓ Ⲓⲟⲥⲧⲟⲥ: ⲛⲉⲙ Ⲁ̀ⲡⲁⲗⲓ ⲛⲉⲙ Ⲑⲉⲟⲕⲗⲓⲁ̀.

أفرح يا سوسانيوس الذي قتل المصاصة افرح يا سيدي بسطوس وأبالي وتاوكليا.

Ⲥ̀ϭⲟⲥⲓ ⲡⲉ ⲡ̀ⲧⲁⲓⲟ̀: ⲛ̀ⲛⲁⲓⲁ̀ⲅⲓⲟⲥ: Ⲁ̀ⲡⲁ Ⲏ̀ⲥⲓ ⲛⲉⲙ Ⲑⲉⲕⲗⲁ: ⲛⲉⲙ Ⲁ̀ⲡⲟⲗⲗⲟⲛⲓⲟⲥ.

عالية هي كرامة هؤلاء القديسين أبا إيسي وتكلا وأبولونيوس.

Ⲧⲱⲛⲕ ⲱ̀ ⲡⲁⲧⲏⲣ: ⲡⲉϫⲉ Ⲡⲉⲛⲥⲱⲧⲏⲣ: ϭⲓ ⲛ̀Ⲏ̀ⲣⲁⲏ̀ ⲧⲉⲕⲥⲱⲛⲓ: ⲙⲁϣⲉⲛⲁⲕ ⲉ̀Ⲭⲏⲙⲓ.

قم يا أبادير قال مخلصنا خذ إبراني أختك وأمض إلى مصر.

Ⲩ̀ⲇⲟⲛⲏ ⲛ̀ⲧⲉ ⲡⲁⲓⲕⲟⲥⲙⲟⲥ: ⲛⲉⲙ ⲡⲉϥⲗⲟⲅⲓⲥⲙⲟⲥ: ⲁϥⲭⲁⲩ ⲛ̀ϫⲉ Ⲃⲁⲥⲓⲗⲓⲧⲏⲥ: ⲡⲓⲛⲓϣϯ ⲛ̀ⲁⲑⲗⲓⲧⲏⲥ.

لذة هذا العالم وحواسه قد تركها وأسيليدس العظيم المجاهد.

Ⲫⲏⲉ̅ⲑ̅ⲩ̅ ⲛ̀ⲅⲉⲛⲛⲉⲟⲥ: ⲡⲓϫⲱⲣⲓ ⲛⲁ̀ⲛⲁⲧⲟⲗⲉⲟⲥ: ⲁϥⲉⲣⲫⲟⲣⲓⲛ ⲙ̀ⲡⲓⲭ̀ⲗⲟⲙ: ϧⲉⲛ ϯϩ̀ⲣⲱ ⲛ̀ⲭ̀ⲣⲱⲙ.

القديس الشريف القوى المشرقي قد لبس الأكليل في اتون النار.

Ⲭⲉⲣⲉ Ⲥⲁⲣⲁⲡⲁⲙⲱⲛ: ⲡⲓⲉ̀ⲡⲓⲥⲕⲟⲡⲟⲥ: ⲭⲉⲣⲉ ⲁⲃⲃⲁ Ⲯⲁϯ: ⲛⲉⲙ Ⲅⲁⲗⲏⲛⲓⲟⲕⲥ.

السلام لسرايامون الأسقف السلام لأنبا ابصادي وغالينيكوس.

Ⲭⲉⲣⲉ ⲛⲓⲁ̀ⲅⲓⲟⲥ: ⲕⲩⲣⲓ Ⲁ̀ⲡⲁⲛⲟⲩⲃ ⲛⲉⲙ ⲁ̀ⲡⲁ Ⲡ̀ⲥⲟⲩⲣⲁ ⲛⲉⲙ Ⲡ̀ⲧⲟⲗⲟⲙⲉⲟⲥ: ⲡⲓⲡ̀ⲣⲉⲥⲃⲩⲧⲉⲣⲟⲥ.

السلام للقديسين سيدي أبانوب وأبابصورا وأبطولوميوس القس.

Ⲭⲉⲣⲉ ⲛⲓⲁ̀ⲅⲓⲟⲥ: ⲁ̀ⲡⲁ Ⲡⲓⲣⲱⲟⲩ ⲛⲉⲙ Ⲁ̀ⲑⲱⲙ: ⲛⲉⲙ ⲁ̀ⲡⲁ Ⲡⲁⲫⲛⲟⲩϯ: ⲛⲉⲙ Ⲓⲁⲣⲁⲃⲉⲕⲭⲉ ⲛⲉⲙ ⲛⲉⲥϣⲏⲣⲓ.

السلام للقديسين أبا بيروه واطوم وابا ابنودا ويارابيكا وأولادها.

Ⲭⲉⲣⲉ ⲛⲓⲡ̀ⲣⲉⲥⲃⲩⲧⲉⲣⲟⲥ: Ⲓⲱ̅ⲁ̅ ⲛⲉⲙ Ⲥⲓⲙⲉⲱⲛ ⲛⲉⲙ ⲁ̀ⲡⲁ Ⲡ̀ϣⲁⲓ: ⲡⲓⲡ̀ⲣⲉⲥⲃⲩⲧⲉⲣⲟⲥ.

السلام للقسوس يوحنا وسمعان وأبا بشاي القس.

Ⲭⲉⲣⲉ Ⲓⲟⲩⲗⲓⲟⲥ: ⲡⲓⲙⲁⲕⲁⲣⲓⲟⲥ: ⲫⲏⲉ̀ⲧⲁϥⲥ̀ϧⲁⲓ ⲙ̀ⲡ̀ⲃⲓⲟⲥ: ⲛ̀ⲛⲓⲁ̀ⲅⲓⲟⲥ.

السلام للمغبوط يوليوس الذي كتب قصص القديسين.

Ⲭⲉⲣⲉ ⲛⲓⲙⲁⲣⲧⲩⲣⲓⲁ̀: Ⲙⲁⲣⲓⲛⲉ ⲛⲉⲙ Ⲓ̀ⲣⲏⲛⲏ: ⲛⲉⲙ Ⲑ̀ⲣⲟⲥⲓⲥ ⲛⲉⲙ Ⲓⲱⲁⲛⲛⲁ: ⲕⲉ Ⲃⲁⲣⲃⲁⲣⲁ ⲛⲉⲙ Ⲓⲟⲩⲗⲓⲁ̀ⲛⲉ.

السلام للشهيدات مارينا وإيريني واتروسيس وحنه وبرباره وبوليانه.

Ⲯⲉⲡⲓ ⲛ̀ⲛⲓ⳥: ⲁ̀ⲣⲓⲡ̀ⲣⲉⲥⲃⲉⲩⲓⲛ ⲉ̀ϫⲱⲛ: ⲉⲑⲣⲉ Ⲡⲭ̅ⲥ̅ ⲧⲟⲩϫⲟⲛ: ⲟⲩⲟϩ ⲛ̀ⲧⲉϥⲛⲁⲓ ⲛⲁⲛ.

يا باقي الشهداء اشفعوا فينا عند المسيح كي ينقذنا ويرحمنا.

Ⲱ̀ⲟⲩⲛⲓⲁⲧⲕ ⲛ̀ⲑⲟⲕ: ⲡⲉⲛⲓⲱⲧ ⲁⲃⲃⲁ Ⲙⲁⲕⲁⲣⲓ: ϫⲉ ⲁⲠⲟ̅ⲥ̅ ⲓ̀ⲣⲓ ⲛⲁⲕ: ⲛ̀ϩⲁⲛⲙⲏϣ ⲛ̀ϣ̀ⲫⲏⲣⲓ.

طوباك انت يا أبينا انبا مكاري لأن الرب صنع لك عجائب كثيرة.

Ϣⲟⲣⲡ ⲁⲃⲃⲁ Ⲡⲁⲩⲗⲏ: ⲁϥϣⲱⲡⲓ ϩⲓ ⲡ̀ϣⲁϥⲉ: ⲛⲉⲙ ⲁⲃⲃⲁ Ⲁⲛⲧⲱⲛⲓ: ϩⲓ ⲫ̀ⲙⲁⲣⲏⲥ ⲛ̀Ⲭⲏⲙⲓ.

اول سكان البرية هو أنبا بولا وأنبا انطونيوس بناحية صعيد مصر.

Ϥ̀ⲟⲩⲁⲃ ⲁⲃⲃⲁ Ⲙⲁⲕⲁⲣⲓ: ⲡⲓⲉ̀ⲡⲓⲥⲕⲟⲡⲟⲥ: ⲛⲉⲙ ⲁⲃⲃⲁ Ⲙⲁⲕⲁⲣⲓ: ⲡⲓⲡ̀ⲣⲉⲥⲃⲩⲧⲉⲣⲟⲥ.

قديس هو أنبا مقار الأسقف وأنبا مقار القس.

Ϧⲉⲛ ⲡⲉⲕⲑⲉⲃⲓⲟ̀: ⲡⲓϣⲉ ⲁϥϯⲕⲁⲣⲡⲟⲥ: ⲡⲉⲛⲓⲱⲧⲁⲃⲃⲁ Ⲓⲱ̅ⲁ̅: ⲡⲓϩⲩⲅⲟⲩⲙⲉⲛⲟⲥ.

بتواضعك يا أبينا انبا يوحنا القمص قد أثمر الخشب.

Ⲉⲑⲃⲉ ⲡⲉⲕⲧⲟⲩⲃⲟ: ⲡⲉⲛⲓⲱⲧ ⲁⲃⲃⲁ Ⲡⲓϣⲱⲓ: ⲁⲕⲉⲣⲡⲉⲙⲡ̀ϣⲁ ⲛ̀ⲓⲱⲓ: ⲛ̀ⲛⲉⲛϭⲁⲗⲁⲩϫ ⲙ̀Ⲡⲟ̅ⲥ̅.

من أجل طهارتك يا أبينا أنبا بيشوي استحقيت ان تغسل أرجل الرب.

Ϩⲁⲛϧⲉⲗϣⲓⲣⲓ ⲙ̀ⲡⲁⲣⲑⲉⲛⲟⲥ: ⲛⲉⲛⲓⲟϯ ⲉ̅ⲑ̅ⲩ̅ ⲛ̀ⲣⲱⲙⲉⲟⲥ: ⲛⲉⲙ Ⲏ̀ⲥⲓⲇⲱⲣⲟⲥ: ⲛⲉⲙ Ⲁⲣⲥⲉⲛⲓⲟⲥ.

شبان بتوليون آبائنا القديسين الروم وإيسيذوروس وأرسانيوس.

Ϫⲱⲣⲓ ⲉ̅ⲑ̅ⲩ̅ ⲁⲃⲃⲁ Ⲙⲱⲥⲏ: ⲛⲉⲙ ⲁⲃⲃⲁ Ⲡⲁⲩⲗⲏ: ⲡⲓⲙ̅ⲑ̅ ⲛ̀ϧⲉⲗⲗⲟ: ⲛⲉⲙ ⲁⲃⲃⲁ Ⲁ̀ⲡⲟⲗⲗⲱ.

القديس القوى أنبا موسي وأنبا بولا والتسعة والأربعين شيخا وأنبا أبولو.

Ⲕⲉ ⲁⲃⲃⲁ Ⲗⲁⲧⲥⲱⲛ: ⲛⲉⲙ Ⲁⲃⲣⲁⲁⲙ ⲛⲉⲙ Ⲅⲉⲟⲣⲅⲉ: ⲛⲉⲙ Ⲉ̀ⲡⲓⲡ ⲛⲉⲙ Ⲡⲁⲗⲁⲙⲱⲛ: ⲕⲉ ⲁⲃⲃⲁ Ⲡⲓϫⲓⲙⲓ.

وأنبا لادسون وأبرام وجاورجا وأبيب وبالامون وانبا بيجيمي.

Ⲙⲁⲗⲓⲥⲧⲉ ⲛⲓⲥ̀ⲧⲩⲗⲗⲟⲥ: ⲁ̀ⲡⲁ Ϩⲱⲣ ⲛⲉⲙ ⲁ̀ⲡⲁ Ⲫⲓⲥ: ⲕⲉ ⲁⲃⲃⲁ Ϩⲱⲣⲙⲏⲛⲉ: ⲛⲉⲙ ⲁⲃⲃⲁ Ⲙⲁⲕⲣⲟⲫⲓⲟⲥ.

ولا سيما العمودان أباهور وأبا قيس وأنبا هرمينا وانبا مكروفيوس.

Ϭⲓϣϣⲱⲓ ⲛⲉⲙ Ϭⲓϣϣⲱⲓ Ϧ: ⲛⲉⲙ ⲁⲃⲃⲁ Ⲁ̀ⲙⲟⲛⲓ: ⲛⲉⲙ ⲡⲉⲛⲓⲱⲧ ⲁⲃⲃⲁ Ϣⲉⲛⲟⲩϯ: ⲕⲉ ⲁⲃⲃⲁ Ⲡⲁⲫⲛⲟⲩϯ.

شيشاي وشيشاي وانبا اموني وأبينا انبا ذنوده وانبا بفنوتي.

Ⲛⲉⲙ ⲁⲃⲃⲁ Ⲛⲟⲩϥⲉⲣ: ⲛⲉⲙ ⲁⲃⲃⲁ Ⲥⲁⲙⲟⲩⲏⲗ: ⲛⲉⲙ ⲁⲃⲃⲁ Ⲃⲉⲛⲓⲡⲓ: ⲛⲉⲙ Ⲓⲱ̅ⲁ̅ ⲡⲉϥϣ̀ⲫⲏⲣ.

وانبا نوفار وأنبا صموئيل وأنبا وانيبي ويوحنا صديقه.

Ⲙⲁⲗⲓⲥⲧⲉ ⲡⲓⲛⲓϣϯ: Ⲡⲁⲣⲥⲱⲙⲁ ⲡⲓⲧⲉⲗⲓⲟⲥ: ⲛⲉⲙ Ⲁⲃⲣⲁⲁⲙ ⲡⲓⲣⲉϥⲉⲣϩⲉⲙⲓ: ⲛⲉⲙ Ⲑⲉⲟ̀ⲫⲁⲛⲓⲟⲥ.

ولا سيما العظيم برسوما الكامل وأبرام المدبر وتاوفانيوس.

Ⲛ̀ϩⲟⲩⲟ̀ ⲇⲉ ⲛⲉⲛⲓⲟϯ: Ⲁⲃⲣⲁⲁⲙ ⲛⲉⲙ Ⲙⲁⲧⲑⲉⲟⲥ: ⲛⲉⲙ Ⲙⲁⲣⲕⲟⲥ ⲡⲓⲛⲓϣϯ: ⲛⲉⲙ Ⲁⲛⲧⲟⲛⲓⲟⲥ.

وبالأكثر ابائنا ابرام ومتى ومرقص العظيم وانطونيوس.

Ϯⲙⲁⲕⲁⲣⲓⲁ̀: ϯⲛⲓϣϯ Ⲁⲗⲗⲁⲣⲓⲁ̀: ⲕⲉ ⲁ̀ⲣⲓⲯⲁⲓⲙⲁ: ⲛⲉⲙ Ⲁⲛⲁⲥⲧⲁⲥⲓⲁ̀.

المغبوطة العظيمة ألاريا وأريبيسما وانساطسيا.

Ⲱ̀ⲟⲩⲛⲓⲁ̀ⲧⲟⲩ ⲛⲓⲭⲱⲣⲟⲥ: ⲛ̀ⲧⲉ ⲛⲓⲥ̀ⲧⲁⲩⲣⲟⲫⲟⲣⲟⲥ: ⲛⲉⲛⲓⲟϯ ⲙ̀ⲙⲟⲛⲁⲭⲟⲥ: ⲛⲓⲡ̅ⲛ̅ⲁ̅ ⲧⲟⲩⲫⲟⲣⲟⲥ.

طوباهم مصاف لباس الصليب أبائنا الرهبان لابسي الروح,

Ϣ̀ⲗⲏⲗ ⲛⲉⲙ ϩⲁⲛⲛⲏⲥⲧⲓⲁ̀: ⲧⲉ ⲧⲉⲕⲥⲩⲛⲏⲑⲓⲁ̀: Ⲏ̀ⲗⲓⲁⲥ ⲡⲓⲑⲉⲥⲃⲓⲧⲏⲥ: ⲡⲓⲛⲓϣϯ ⲙ̀ⲡ̀ⲣⲟⲫⲏⲧⲏⲥ.

صلوات وأصوام هي عادتك يا إيليا التشبيتي النبي العظيم.

Ϥ̀ⲟⲓ ⲛ̀ⲣⲉϥⲉⲣϩⲉⲙⲓ: ⲉ̀ϫⲉⲛ ⲧ̀ⲭⲱⲣⲁ ⲛ̀Ⲭⲏⲙⲓ: Ⲙⲁⲣⲕⲟⲥ ⲡⲓⲁ̀ⲡⲟⲥⲧⲟⲗⲟⲥ: ⲡⲓⲉⲩⲁⲅⲅⲉⲗⲓⲥⲧⲏⲥ.

المدبر على كورة مصر مرقص الرسول الإنجيلي.

Ϧⲉⲛ ⲟⲩⲙⲉⲑⲙⲏⲓ ⲛ̀ⲑⲟ: ⲁ̀ⲣⲉϥⲁⲓ ϧⲁ ϯⲙⲉⲑⲛⲟⲩϯ: ⲧⲉⲥ̀ⲙⲁⲣⲱⲟⲩⲧ ⲛ̀ⲑⲟ: Ⲙⲁⲣⲓⲁ̀ ϯⲙⲁⲥⲛⲟⲩϯ.

بالحقيقة أنت حملت اللاهوت مباركة أنت يا مريم والدة الإله.

Ϩⲁⲛⲟⲣⲑⲟⲇⲟⲝⲟⲥ: ⲙ̀ⲡ̅ⲛ̅ⲁ̅ⲧⲟⲩⲫⲟⲣⲟⲥ: ⲡⲉⲛⲥⲁϧ Ⲥⲉⲩⲏⲣⲟⲥ: ⲛⲉⲙ Ⲇⲓⲟⲥⲕⲟⲣⲟⲥ.

الأرثوذكسيون لابس الروح معلمنا ساويرس ودسقوروس.

Ϫⲱⲕ ⲙ̀ⲡⲉⲛⲑⲉⲗⲏⲗ: ⲱ̀ Ⲉⲙⲙⲁⲛⲟⲩⲏⲗ: ϫⲱⲓ ⲙ̀ⲡⲉⲛϣ̀ⲗⲏⲗ: ϧⲉⲛ ⲟⲩⲟⲩⲛⲟϥ ⲛⲉⲙ ⲟⲩⲑⲉⲗⲏⲗ.

كمل تهليلنا يا عمانوئيل كما صلاتنا بفرح وتهليل.

Ϭⲓ ⲛ̀ⲛⲉⲛϯϩⲟ: ⲙ̀ⲡⲉⲕⲑ̀ⲣⲉⲛϩⲓⲡ̀ϩⲟ: ϩⲓⲧⲉⲛ ⲛⲓϯϩⲟ ⲛ̀ⲛⲏⲉ̀ⲧⲁⲛⲧⲁⲟⲩⲟ̀ ⲉ̀ⲛⲟⲩⲣⲁⲛ.

اقبل طلباتنا ولا ترفضنا من قبل سؤالات الذين ذكرنا أسمائهم.

Ϯϯϩⲟ ⲉ̀ⲣⲟⲕ: ⲱ̀ Ⲡⲉⲛⲛⲏⲃ Ⲡⲭ̅ⲥ̅: ⲛ̀ⲧⲉⲕⲁ̀ⲣⲉϩ ⲉ̀ⲣⲟⲛ: ⲉ̀ⲃⲟⲗϧⲉⲛ ⲛⲓⲡⲓⲣⲁⲥⲙⲟⲥ.

اطلب إليك يا ملكنا المسيح لكي تحفظنا من التجارب.

Ⲙⲟⲓ ⲛⲁⲛ ⲛ̀ⲟⲩⲃⲟⲏ̀ⲑⲓⲁ̀: ⲭⲱ ⲛⲁⲛ ⲛ̀ⲛⲉⲛⲁ̀ⲛⲟⲙⲓⲁ̀: ϩⲓⲧⲉⲛ ⲛⲓⲡ̀ⲣⲉⲥⲃⲩⲁ̀: ⲛ̀ⲧⲉ Ϯⲡⲁⲛⲁ̀ⲅⲓⲁ̀.

واعطنا معونة وأغفر لنا آثامنا من قبل شفاعات القديسة.

Ϩⲓⲧⲉⲛ ⲛⲟⲩⲉⲩⲭⲏ: Ⲡⲭ̅ⲥ̅ Ⲡⲉⲛⲟⲩⲣⲟ: ⲁ̀ⲣⲓ ⲟⲩⲛⲁⲓ ⲛⲉⲙⲁⲛ: ϧⲉⲛ ⲧⲉⲕⲙⲉⲧⲟⲩⲣⲟ.

بصلواتهم أيها المسيح ملكنا اصنع معنا رحمة ملكوتك.