Second Lobsh | |||
Ⲇⲁⲩⲓⲇ ⲱϣ ⲉ̀ⲃⲟⲗϧⲉⲛ ⲡ̀ϫⲱⲙ ⲛ̀ⲛⲓⲯⲁⲗⲙⲟⲥ: ϧⲉⲛ ⲧ̀ϫⲟⲙ ⲙ̀Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ: ⲱ ⲑⲏⲉⲑⲙⲉϩ ⲛ̀ⲱⲟⲩ. | داود يصرخ · في كتاب المزامير · بقوة الروح القدس · أيتها المملوءة مجداً. | ||
Ⲁϥϫⲱ ⲙ̀ⲙⲟⲥ ϫⲉ ⲁⲩⲥⲁϫⲓ: ⲛ̀ϩⲁⲛⲧⲁⲓⲟ ⲉⲑⲃⲏϯ: ϫⲉ ⲛ̀ⲑⲟ ⲡⲉ ϯⲃⲁⲕⲓ: ⲛ̀ⲧⲉ ⲡⲓⲛⲓϣϯ ⲛ̀ⲟⲩⲣⲟ. | قال تكلموا من اجلك · بكرامات لأنك · أنت هي مدينة · الملك العظيم. | ||
Ⲁ̀ⲙⲱⲓⲛⲓ ⲙ̀ⲫⲟⲟⲩ: ⲱ̀ ⲛⲓⲗⲁⲟⲥ ⲧⲏⲣⲟⲩ: ⲉⲧϣⲟⲡ ϩⲓϫⲉⲛ ⲡⲓⲕⲁϩⲓ: ⲛ̀ⲧⲉ ⲡ̀ⲅⲉⲛⲟⲥ ⲛ̀Ⲁ̀ⲇⲁⲙ. | تعالوا اليوم · يا كل الشعوب · الكائنين على الأرض · جنس آدم. | ||
Ⲉϣⲗⲏⲗⲟⲩⲓ̀ ⲉ̀ⲃⲟⲗ: ⲙ̀Ⲫ̀ⲛⲟⲩϯ ⲛ̀Ⲓⲁⲕⲱⲃ: ⲉⲑⲣⲉϥⲭⲱ ⲛⲁⲛ ⲉ̀ⲃⲟⲗ: ⲁ̀ⲛⲟⲛ ϧⲁ ⲛⲓϫⲱⲃ. | هللوا · لإله يعقوب · لكي يغفر لنا · نحن الضعفاء. | ||
Ⲁ̀ⲣⲓⲧⲉⲛ ⲛ̀ϩⲩⲕⲁⲛⲟⲥ: ⲱ̀ Ⲡⲉⲛⲥⲱⲧⲏⲣ ⲛ̀ⲁⲅⲁⲑⲟⲥ: ⲛ̀ⲧⲉⲛϯⲱⲟⲩ ⲛⲁⲕ ⲱ̀ Ⲩⲓⲟⲥ Ⲑⲉⲟⲥ: ⲛⲉⲙ ⲧⲉⲕⲙⲁⲩ ⲙ̀ⲡⲁⲣⲑⲉⲛⲟⲥ. | أجعلنا مستوجبين · يا مخلصنا الصالح · لنمجدك يا ابن الله · مع أمك العذراء. | ||
Ⲉⲑⲣⲉⲛϩⲱⲥ ⲛ̀ⲧⲉⲛϯⲱ̀ⲟⲩ: ϧⲉⲛ ⲟⲩⲱ̀ⲟⲩ ⲛⲉⲙ ⲟⲩⲧⲁⲓⲟ̀: ⲙ̀Ⲡⲓⲭⲣⲓⲥⲧⲟⲥ Ⲡⲉⲛⲟⲩⲣⲟ: ⲛⲉⲙ ⲧⲉϥⲙⲁⲩ ϯⲟⲩⲣⲱ. | لنسبح ونمجد · بمجدٍ وكرامةٍ · للمسيح ملكنا · وأمه الملكة. | ||
Ⲑⲁⲓ ⲉ̀ⲧⲁⲥⲉⲣⲡ̀ⲉⲙⲡ̀ϣⲁ: ⲉⲑⲣⲉⲥϣⲱⲡ ⲉ̀ⲣⲟⲥ: ⲙ̀ⲡ̀ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ: Ⲓⲏⲥⲟⲩⲥ Ⲡⲓⲭⲣⲓⲥⲧⲟⲥ. | هذه التي استحقت · أن تقبل إليها · ملك المجد · يسوع المسيح. | ||
Ⲫⲏⲉ̀ⲧⲁ ⲛⲓⲡ̀ⲣⲟⲫⲏⲧⲏⲥ: ⲁⲩⲉⲣⲙⲉⲑⲣⲉ ϧⲁⲣⲟϥ: ϧⲁϫⲉⲛ ⲟⲩⲛⲓϣϯ ⲛ̀ⲥⲏⲟⲩ: ⲉⲩϫⲱ ⲙ̀ⲙⲟⲥ ⲙ̀ⲡⲁⲓⲣⲏϯ. | الذي الأنبياء · شهدوا عنه قبلاً · بزمان كبير · قائلين هكذا. | ||
Ϫⲉ ϥ̀ⲛⲁⲓ̀ ⲛ̀ϫⲉ Ⲡ̀ϭⲟⲓⲥ: ⲉ̀ⲃⲟⲗϧⲉⲛ Ⲥⲓⲱⲛ: ⲟⲩⲟϩ ϥ̀ⲛⲁⲧⲁⲥⲑⲟ: ⲛ̀ϯⲉⲭⲙⲁⲗⲱⲥⲓⲁ̀. | أن الرب يأتي · من صهيون · ويرد · السبي. | ||
Ⲉ̀ⲧⲉ ⲑⲁⲓ ⲧⲉ Ⲙⲁⲣⲓⲁ̀: ϯⲥⲉⲙⲛⲉ ⲙ̀ⲡⲁⲣⲑⲉⲛⲟⲥ: ⲉ̀ⲧⲁ Ⲡⲓⲭⲣⲓⲥⲧⲟⲥ Ⲡⲉⲛⲛⲟⲩϯ: ϭⲓⲥⲁⲣⲝ ⲉ̀ⲃⲟⲗ ⲛ̀ϧⲏⲧⲥ. | أعني هي مريم · العفيفة العذراء · الذي تجسد منها · المسيح إلهنا. | ||
Ⲟⲩⲟϩ ⲁϥⲉⲣⲣⲱⲙⲓ: ⲉⲑⲃⲉ ⲡⲉⲛⲟⲩϫⲁⲓ: ϣⲁ ⲛ̀ⲧⲉϥⲥⲱϯ ⲙ̀ⲙⲟⲛ: ⲉ̀ⲃⲟⲗϧⲉⲛ ⲛⲉⲛⲛⲟⲃⲓ. | وصار إنساناً · لأجل خلاصنا · حتى خلصنا · من خطايانا. | ||
Ⲉⲑⲃⲉ ⲫⲁⲓ ⲧⲉⲛⲉⲣⲯⲁⲗⲓⲛ: ϧⲉⲛ ⲟⲩⲛⲓϣϯ ⲛ̀ⲣⲁϣⲓ: ⲉⲛⲱϣ ⲉ̀ⲃⲟⲗ ⲉⲛϫⲱ ⲙ̀ⲙⲟⲥ: ⲛⲉⲙ Ⲅⲁⲃⲣⲏⲓⲗ ⲡⲓⲁⲅⲅⲉⲗⲟⲥ. | من اجل هذا نرتل · بعظم فرحٍ · ونصرخ قائلين · مع غبريال الملاك. | ||
Ϫⲉ ⲭⲉⲣⲉ ⲛⲉ Ⲙⲁⲣⲓⲁ̀: ϯⲡⲁⲣⲑⲉⲛⲟⲥ ⲉⲑⲟⲩⲁⲃ: ⲑⲏⲉⲧⲥⲱⲧⲡ ϧⲉⲛ ⲧ̀ⲫⲉ: ⲉⲥⲧⲁⲓⲏ̀ⲟⲩⲧ ϩⲓϫⲉⲛ ⲡ̀ⲕⲁϩⲓ. | السلام لك يا مريم · العذراء الطاهرة · المختارة في السماء · والمكرمة على الأرض. | ||
Ⲭⲉⲣⲉ ϯⲥ̀ⲕⲩⲛⲏ: ⲛ̀ⲧⲉ Ⲫ̀ⲓⲱⲧ ⲛⲉⲙ Ⲡϣⲏⲣⲓ: ⲛⲉⲙ Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ: ⲙ̀ⲡⲁⲣⲁⲕⲗⲏⲧⲟⲛ. | السلام لقُبَّة الآب والابن · والروح القدس · المعزي. | ||
Ϫⲉ ⲁϥϣⲁⲓ ⲛⲁⲛ ⲛ̀ⲟⲩⲟⲩⲱⲓⲛⲓ: ⲉ̀ⲃⲟⲗϧⲉⲛ Ⲙⲁⲣⲓⲁ̀: ⲉϥⲭⲱ ⲛ̀ⲛⲉⲛⲛⲟⲃⲓ: ⲛⲉⲙ ⲛⲉⲛⲁ̀ⲛⲟⲙⲓⲁ̀. | لأنه أشرق لنا نور · من مريم · غافر خطايانا · وآثامنا. | ||
Ⲫⲏⲉⲧⲉⲣⲟⲩⲱⲓⲛⲓ: ϧⲉⲛ ⲧ̀ⲫⲉ ⲛⲉⲙ ⲡ̀ⲕⲁϩⲓ: ϧⲉⲛ ⲡ̀ⲱ̀ⲟⲩ ⲛ̀ⲁⲧⲥⲓⲛⲓ: ⲫⲱϥ ⲡⲉ ⲡⲓⲁ̀ⲙⲁϩⲓ. | الذي يضيء · في السماء والأرض · بالمجد الغير الزائل · له العزة. | ||