طرح آدام

Ⲙⲁⲣⲉⲛⲉⲣⲯⲁⲗⲓⲛ: ⲛⲉⲙ ⲡⲓϩⲩⲙⲛⲟⲇⲟⲥ: Ⲇⲁⲩⲓⲇ ⲡⲓⲡ̀ⲣⲟⲫⲏⲧⲏⲥ: ⲡⲓⲓⲉⲣⲟⲯⲁⲗⲧⲏⲥ.

فلنرتل · مع المرتل · داود النبي · الحسن في الترتيل.

Ⲛ̀ⲧⲉⲛⲱϣ ⲉ̀ⲃⲟⲗ: ϧⲉⲛ ⲟⲩϧ̀ⲣⲱⲟⲩ ⲛ̀ⲟⲩⲱⲧ: ϫⲉ ⲟⲩⲱⲛϩ ⲉ̀ⲃⲟⲗ ⲙ̀Ⲡ̀ϭⲟⲓⲥ: ϫⲉ ⲟⲩⲁ̀ⲅⲁⲑⲟⲥ ⲡⲉ.

ونصرخ · بصوت واحد قائلين · اشكروا الرب · فإنه صالح.

Ⲟⲩⲱⲛϩ ⲉ̀ⲃⲟⲗ ⲙ̀Ⲫ̀ⲛⲟⲩϯ Ⲡ̀ϭⲟⲓⲥ ⲛ̀ⲧⲉ ⲛⲓϭⲟⲓⲥ: ϫⲉ ⲡⲉϥⲛⲁⲓ ϣⲟⲡ ϣⲁ ⲉ̀ⲛⲉϩ: ⲛⲉⲙ ϣⲁ ⲛⲓⲉ̀ⲛⲉϩ ⲧⲏⲣⲟⲩ.

اشكروا الله · رب الأرباب · لأن رحمته دائمة إلى الأبد · وإلى كل الدهور.

Ϫⲉ ⲁϥⲓ̀ⲣⲓ ⲛ̀ϩⲁⲛϣ̀ⲫⲏⲣⲓ: ⲙ̀ⲡⲁⲣⲁⲇⲟⲝⲟⲛ: ⲁϥⲑⲁⲙⲓⲟ̀ ⲛ̀ⲛⲓⲫⲏⲟⲩⲓ̀: ϧⲉⲛ ⲡⲉϥⲕⲁϯ ⲉⲧϣⲱⲙ.

لأنه صنع عجائب · عجيبة · وخلق السموات · بفهمه الرفيع.

Ϩⲁⲛⲛⲓϣϯ ⲛ̀ⲣⲉϥⲉ̀ⲣⲟⲩⲱⲓⲛⲓ: ⲡⲓⲣⲏ ⲛⲉⲙ ⲡⲓⲓⲟϩ: ⲁϥⲭⲁⲩ ⲉⲩⲉ̀ⲣⲟⲩⲱⲓⲛⲓ: ⲥⲁⲡ̀ϣⲱⲓ ⲛ̀ⲛⲓⲫⲏⲟⲩⲓ̀.

النيرين العظيمين · الشمس والقمر · جعلهما بنيران · فوق السموات.

Ⲫ̀ⲣⲏ ⲛ̀ⲟⲩⲉⲣϣⲓϣⲓ: ⲛ̀ⲧⲉ ⲡⲓⲉ̀ϩⲟⲟⲩ: ⲡⲓⲓⲟϩ ⲛⲉⲙ ⲛⲓⲥⲓⲟⲩ: ⲛ̀ⲟⲩⲉⲣϣⲓϣⲓ ⲛ̀ⲧⲉ ⲡⲓⲉϫⲱⲣϩ.

الشمس لسلطان · النهار · والقمر والنجوم · لسلطان الليل.

Ⲁϥϣⲁⲣⲓ ⲛ̀ⲛⲓⲣⲉⲙⲛ̀ⲭⲏⲙⲓ: ⲛⲉⲙ ⲛⲟⲩϣⲁⲙⲓⲥⲓ ⲧⲏⲣⲟⲩ: ⲟⲩⲟϩ ⲁⲩⲱⲙⲥ ⲙ̀ⲙⲱⲟⲩ: ϧⲉⲛ ⲫ̀ⲓⲟⲙ ⲛ̀ϣⲁⲣⲓ.

وضرَبَ المصريين · وكل أبكارهم · وغرَّقهم · في البحر الأحمر.

Ϧⲉⲛ ⲟⲩϫⲓϫ ⲉⲥⲁ̀ⲙⲁϩⲓ: ⲛⲉⲙ ⲟⲩϣⲱⲃϣ ⲉϥϭⲟⲥⲓ: ⲁϥⲓ̀ⲛⲓ ⲙ̀Ⲡⲓⲥⲣⲁⲓⲏⲗ ⲉ̀ⲃⲟⲗ: ϧⲉⲛ ⲧⲟⲩⲙⲏϯ.

بيد عزيزة · وذراع رفيع · أخرج إسرائيل · من وسطهم.

Ⲫⲁⲣⲁⲱ̀ ⲡ̀ⲟⲩⲣⲟ: ⲛⲉⲙ ⲛⲉϥⲛⲓϣϯ ⲛ̀ϩⲁⲣⲙⲁ: ⲁϥⲉⲣⲡⲟⲛⲧⲓⲍⲓⲛ ⲙ̀ⲙⲱⲟⲩ: ϧⲉⲛ ⲫ̀ⲓⲟⲙ ⲛ̀ϣⲁⲣⲓ.

فرعون الملك · ومراكبه العظيمة · غرَّقهم · في البحر الأحمر.

Ⲁϥϧⲱⲧⲉⲃ ⲇⲉ ⲟⲛ: ⲛ̀ϩⲁⲛⲛⲓϣϯ ⲛ̀ⲟⲩⲣⲱⲟⲩ: ⲉⲩⲟⲓ ⲛ̀ϣ̀ⲫⲏⲣⲓ: ⲙ̀ⲡⲟⲗⲉⲙⲓⲧⲏⲥ.

وقتل أيضاً · ملوكاً عظماء · صاروا معجزة · المحاربين.

Ⲉ̀ⲧⲉ Ⲥⲏⲱⲛ ⲡ̀ⲟⲩⲣⲟ: ⲛ̀ⲧⲉ ⲛⲓⲁ̀ⲙⲟⲣⲣⲉⲟⲥ: ⲛⲉⲙ Ⲱⲅ ⲡ̀ⲟⲩⲣⲟ: ⲛ̀ⲧⲉ ⲑ̀ⲃⲁⲕⲓ ⲙ̀Ⲃⲁⲥⲁⲛ.

وهم شيحون ملك · الأموريين · وعوج ملك · مدينه باشان.

Ⲁϥⲙⲉⲛⲣⲉ ⲡⲓⲗⲁⲟⲥ: ⲛ̀ⲧⲉ Ⲡⲓⲥⲣⲁⲏⲗ: ⲁϥⲧⲏⲓⲧⲟⲩ ⲛⲱⲟⲩ ⲙ̀ⲡⲟⲩⲕⲁϩⲓ: ⲉⲩⲕ̀ⲗⲏⲣⲟⲛⲟⲙⲓⲁ̀.

وأحبَّ شعب · إسرائيل · وأعطاهم أرضهم · ميراثاً.

Ⲉ̀ⲧⲉ ⲁ̀ⲛⲟⲛ ⲡⲉ: ϧⲁ ⲛⲓⲭ̀ⲣⲓⲥⲧⲓⲁ̀ⲛⲟⲥ: ⲁϥⲙⲟⲩϯ ⲉ̀ⲣⲟⲛ: ϫⲉ ⲛⲏⲉ̀ⲧⲉⲛⲟⲩϥ.

الذين نحن · معاشر المسيحيين · و دعانا · خواصه.

Ⲟⲩⲟϩ ⲁϥⲉⲣⲡⲉⲛⲙⲉⲩⲓ̀: ϧⲉⲛ ⲡⲉⲛⲑⲉⲃⲓⲟ̀: ⲟⲩⲟϩ ⲁϥⲥⲟⲧⲧⲉⲛ ⲉ̀ⲃⲟⲗ: ϧⲉⲛ ⲛⲉⲛϫⲁϫⲓ ⲧⲏⲣⲟⲩ.

وذكرنا · في مذلتنا · و خلصنا · من أيدي أعدائنا.

Ⲉⲑⲃⲉ ⲫⲁⲓ ⲧⲉⲛⲱϣ: ⲉ̀ⲃⲟⲗ ⲉⲛϫⲱ ⲙ̀ⲙⲟⲥ: ⲛⲉⲙ ⲡⲓϩⲩⲙⲛⲟⲇⲟⲥ: Ⲇⲁⲩⲓⲇ ⲡⲓⲡ̀ⲣⲟⲫⲏⲧⲏⲥ.

فلذلك نصرخ · ونقول · مع المرتل · داود النبى.

Ϫⲉ ⲟⲩⲱⲛϩ ⲉ̀ⲃⲟⲗ ⲙ̀Ⲡ̀ϭⲟⲓⲥ: ⲛ̀ⲧⲉ ⲛⲓϭⲟⲓⲥ ⲧⲏⲣⲟⲩ: ϫⲉ ⲟⲩⲁ̀ⲅⲁⲑⲟⲥ ⲡⲉ: ϫⲉ ⲡⲉϥⲛⲁⲓ ϣⲟⲡ ϣⲁ ⲉ̀ⲛⲉϩ.

اشكروا رب · الأرباب · فإنه صالح · وإلى الأبد رحمته.

Ϩⲓⲧⲉⲛ ⲛⲓⲉⲩⲭⲏ: ⲛ̀ⲧⲉ ⲡⲓⲓⲣⲟⲯⲁⲗⲧⲏⲥ Ⲇⲁⲩⲓⲇ ⲡⲓⲡ̀ⲣⲟⲫⲏⲧⲏⲥ: Ⲡ̀ϭⲟⲓⲥ ⲁ̀ⲣⲓϩ̀ⲙⲟⲧ ⲛⲁⲛ: ⲙ̀ⲡ̀ⲭⲱ ⲉⲃⲟⲗ ⲛ̀ⲧⲉ ⲛⲉⲛⲛⲟⲃⲓ.

بصلوات · داود النبي المرتل · يا رب انعم لنا · بغفران خطايانا.