The Second Canticle | |||
Psali Adam | |||
Ⲁⲓⲛⲁϩⲱⲥ ⲛⲁⲕ Ⲡ̀ϭⲟⲓⲥ: Ⲫ̀ⲛⲟⲩϯ ⲛ̀ⲧⲉ ⲛⲉⲛⲓⲟϯ: ϫⲉ ⲙⲁⲣⲉⲛⲟⲩⲱⲛϩ ⲉ̀ⲃⲟⲗ: ⲉ̀Ⲡⲓⲭⲣⲓⲥⲧⲟⲥ Ⲡⲉⲛⲛⲟⲩϯ. | اسبحك يا رب · إله آبائنا · قائلاً فلنشكر · المسيح إلهنا. | ||
Ⲃⲟⲛ ⲛⲓⲃⲉⲛ ϧⲉⲛ ⲧ̀ⲫⲉ: ⲛⲉⲙ ϩⲓϫⲉⲛ ⲡⲓⲕⲁϩⲓ: ⲉⲩⲱϣ ⲉ̀ⲃⲟⲗ ⲣⲏⲧⲟⲥ: ϫⲉ ⲫⲱⲕ ⲡⲉ ⲡⲓⲁ̀ⲙⲁϩⲓ. | كل أحد في السماء · وعلى الأرض · يصرخون جهراً قائلين · لك العزة. | ||
Ⲅⲉⲛⲟⲥ ⲛ̀ⲛⲓⲣⲱⲙⲓ: ⲛⲉⲙ ⲛⲓⲁⲅⲅⲉⲗⲟⲥ ⲉ̀ⲑⲟⲩⲁⲃ: ⲉⲩⲱϣ ⲉ̀ⲃⲟⲗ ⲉⲩϫⲱ ⲙ̀ⲙⲟⲥ: ϫⲉ ⲭ̀ⲟⲩⲁⲃ ⲭ̀ⲟⲩⲁⲃ ⲭ̀ⲟⲩⲁⲃ. | جنس البشر · والملائكة الأطهار · يصرخون قائلين · قدوس قدوس قدوس. | ||
Ⲇⲁⲩⲓⲇ ⲡⲓⲡ̀ⲣⲟⲫⲏⲧⲧⲏⲥ: ϧⲉⲛ ⲡⲓⲯⲁⲗⲧⲏⲣⲓⲟⲛ: ϫⲉ ⲙⲁⲣⲉⲛϩⲱⲥ ⲉ̀Ⲡ̀ϭⲟⲓⲥ: ⲫⲏⲉⲧϣⲟⲡ ϧⲉⲛ Ⲥⲓⲱⲛ. | داود النبي · قد قال في المزمور · فلنسبح للرب · الساكن في صهيون. | ||
Ⲉⲣⲡ̀ⲣⲉⲡⲓ ⲙ̀ⲡⲓϩⲩⲙⲛⲟⲥ: ⲉ̀Ⲓⲏⲥⲟⲩⲥ Ⲡⲓⲙⲉⲥⲓⲁⲥ: ⲛⲉⲙ ⲡⲓⲓⲉⲣⲟⲯⲁⲗⲧⲏⲥ: Ⲇⲁⲩⲓⲇ ⲡⲓⲡ̀ⲣⲟⲫⲏⲧⲏⲥ. | يليق التسبيح · ليسوع ماسيا · مع المرتل · داود المرتل. | ||
Ϣⲁϣϥ ⲛ̀ⲧⲁⲅⲙⲁ ⲛⲓⲃⲉⲛ: ⲉⲧ ϧⲉⲛ ⲟⲩⲣⲁⲛⲟⲥ: ⲉⲩϩⲱⲥ ⲛ̀ⲥⲏⲟⲩ ⲛⲓⲃⲉⲛ: ⲉ̀ⲡ̀ⲟⲩⲣⲟ Ⲡⲓⲭⲣⲓⲥⲧⲟⲥ. | السبع الطغمات جميعاً · الذين في السماء · يسبحون كل حين · الملك المسيح. | ||
Ⲏⲡⲡⲉ ⲛⲓⲥ̀ⲧⲟⲓⲭⲓⲟⲛ: ⲛⲉⲙ ⲛⲓⲕⲁⲗⲁⲙⲫⲱⲟⲩ ⲧⲏⲣⲟⲩ: ⲛⲉⲙ ⲛⲓⲑⲏⲣⲓⲟⲛ: ⲛⲉⲙ ⲛⲓⲧⲉⲃⲛⲱⲟⲩⲓ̀ ⲧⲏⲣⲟⲩ. | وها هوذا العناصر · وكل الآكام · والوحوش · وكل البهائم. | ||
Ⲑⲱⲕ ⲧⲉ ϯⲙⲉⲧϭⲟⲓⲥ: ⲱ̀ ⲡⲉⲛⲛⲏⲃ Ⲡⲓⲭⲣⲓⲥⲧⲟⲥ: ⲁ̀ⲣⲓ ⲟⲩⲛⲁⲓ ⲛⲉⲙⲁⲛ: ⲕⲁⲧⲁ ⲧⲉⲕⲙⲉⲧⲁ̀ⲅⲁⲑⲟⲥ. | لك الربوبية · يا سيدنا المسيح · اصنع معنا رحمة · كصلاحك. | ||
Ⲓⲥ ϯⲕ̀ⲧⲏⲥⲓⲥ ⲧⲏⲣⲥ: ⲟⲩⲟϩ ⲁⲕⲑⲁⲙⲓⲟ̀: ⲁⲕϩⲓⲥⲉⲛϯ ⲙ̀ⲡⲓⲕⲁϩⲓ: ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲙⲱⲟⲩ. | هوذا كل البرية · خلقتها · والأرض أسستها · على المياه. | ||
Ⲕⲁⲧⲁ ⲭⲱⲣⲁ ⲛⲓⲃⲉⲛ: ⲛⲉⲙ ⲡⲟⲗⲓⲥ ⲛⲉⲙ ϯⲙⲓ: ⲉⲩϩⲱⲥ ⲛ̀ⲥⲏⲟⲩ ⲛⲓⲃⲉⲛ: ⲛ̀ⲧⲟⲧϥ ⲉ̀ⲡⲓⲙⲁⲓⲣⲱⲙⲓ. | كل الكور · والمدن والقري · يسبحون كل حين · إلى محب البشر. | ||
Ⲗⲁⲟⲥ ⲛⲓⲃⲉⲛ ⲉⲩϩⲱⲥ: ⲉⲩⲟⲩⲱϣⲧ ⲙ̀Ⲡⲓⲭⲣⲓⲥⲧⲟⲥ: ϫⲉ ⲁ̀ⲙⲏⲛ ⲁ̀ⲗⲗⲏⲗⲟⲩⲓⲁ̀: ⲇⲟⲝⲁⲥⲓ ⲟ̀ Ⲑⲉⲟⲥ. | كل الشعوب يسبحون · وإلى المسيح يمجدون · قائلين أمين الليلويا · المجد لله. | ||
Ⲙⲁⲣⲉⲛϩⲱⲥ ⲉ̀ⲣⲟϥ: ⲧⲉⲛϭⲓⲥⲓ ⲙ̀ⲡⲉϥⲣⲁⲛ: ⲧⲉⲛⲟⲩⲱϣⲧ ⲙ̀ⲡⲉⲛⲥⲱⲧⲏⲣ: ϫⲉ ⲁϥⲉⲣ ⲟⲩⲛⲁⲓ ⲛⲉⲙⲁⲛ. | فلنسبحه · ونرفع اسمه · ونسجد لمخلصنا · لأنه صنع معنا رحمة. | ||
Ⲛⲓⲧⲁⲅⲙⲁ ⲛ̀ⲧⲉ ⲡ̀ϭⲓⲥⲓ: ⲉⲩϩⲱⲥ ⲉ̀ϯⲧ̀ⲣⲓⲁⲥ: ⲛ̀ⲟ̀ⲙⲟⲟⲩⲥⲓⲟⲥ: ⲛⲉⲙ ⲛⲓⲁⲥⲡⲓ ⲛ̀ⲗⲁⲥ. | الطغمات العلوية · يسبحون الثالوث · المساوي · وكل لغات الألسن. | ||
Ⲝⲙⲁⲣⲱⲟⲩⲧ ⲱ̀ Ⲡⲓⲭⲣⲓⲥⲧⲟⲥ: ⲡ̀ⲟⲩⲣⲟ ⲛ̀ⲁ̀ⲗⲏⲑⲓⲛⲟⲛ: ϫⲉ ⲁⲕⲑⲁⲙⲓⲟ̀ ⲙ̀ⲡⲓⲣⲱⲙⲓ: ⲕⲁⲧⲁ ⲧⲉⲕϩⲩⲕⲱⲛ. | تباركت أيها المسيح · الملك الحقيقي · لأنك خلقت الإنسان · على صورتك. | ||
Ⲟⲩⲱ̀ⲟⲩ ⲛⲁⲕ ⲛⲉⲙ Ⲡⲉⲕⲓⲱⲧ: ⲛⲉⲙ Ⲡⲓⲡⲛⲉⲩⲙⲁ ⲉ̀ⲑⲟⲩⲁⲃ: ⲟⲩϭⲟⲓⲥ ⲛ̀ⲟⲩⲱⲧ: ⲱ̀ Ⲡⲓⲭⲣⲓⲥⲧⲟⲥ Ⲡⲉⲛⲛⲏⲃ. | المجد لك مع أبيك · والروح القدس · ربٌ واحد · أيها المسيح سيدنا. | ||
Ⲡⲓⲣⲏ ⲛⲉⲙ ⲡⲓⲓⲟϩ: ⲛⲉⲙ ⲛⲓⲥⲓⲟⲩ ⲧⲏⲣⲟⲩ: ⲉⲩϩⲱⲥ ⲉ̀Ⲡⲓⲭⲣⲓⲥⲧⲟⲥ: ⲛⲉⲙ ⲛⲉϥⲁⲅⲅⲉⲗⲟⲥ ⲧⲏⲣⲟⲩ. | الشمس والقمر · وكل النجوم · يسبحون المسيح · مع ملائكته كلهم. | ||
Ⲣⲁⲛ ⲛⲓⲃⲉⲛ ⲉⲧϭⲟⲥⲓ: ⲛ̀ⲧⲉ ⲛⲓⲁ̀ⲥⲱⲙⲁⲧⲟⲥ: ⲉⲩϩⲱⲥ ⲉ̀Ⲡⲉⲛⲛⲟⲩϯ: Ⲡⲉⲛⲟⲩⲣⲟ Ⲡⲓⲭⲣⲓⲥⲧⲟⲥ. | كل الأسماء العلوية · للغير المتجسدين · يسبحون إلهنا · وملكنا المسيح | ||
Ⲥ̀ⲙⲟⲩ ⲉ̀Ⲡϭⲟⲓⲥ Ⲡⲉⲛⲛⲟⲩϯ: ϫⲉ ⲛⲁⲛⲉ ⲟⲩⲯⲁⲗⲙⲟⲥ: ⲁϥⲓ̀ ⲉⲑⲃⲉ ⲡⲉⲛⲥⲱϯ: ⲇⲟⲝⲁⲥⲓ ⲟ̀ Ⲑⲉⲟⲥ. | سبحوا الرب إلهنا · لأنه حسن المزمور · أتي لأجل خلاصنا · المجد لله. | ||
Ⲧⲉⲛⲟⲩⲱϣⲧ ⲛ̀ϯⲧ̀ⲣⲓⲁⲥ: ⲛⲉⲙ ϯⲡ̀ⲣⲟⲥⲕⲩⲛⲏⲥⲓⲥ: ϫⲉ ⲁϥⲑⲁⲙⲓⲟ̀ ⲛ̀ⲛⲓⲫⲏⲟⲩⲓ̀: ⲛⲉⲙ ⲛⲟⲩⲇⲩⲛⲁⲙⲓⲥ. | نَخُرُ للثالوث · مع السجود · لأنه خلق السموات · وجنودها. | ||
Ⲩ̀ⲓⲟⲥ Ⲑⲉⲟⲥ Ⲡⲉⲛⲛⲟⲩϯ: ⲧⲉⲛϩⲱⲥ ⲧⲉⲛϯⲱ̀ⲟⲩ ⲛⲁϥ: ϫⲉ ⲛ̀ⲑⲟϥ ⲡⲉ ⲡⲓⲣⲉϥⲥⲱϯ: ⲉ̀ⲧⲉⲛϭ̀ⲛⲉϫⲱⲛ ⲛⲁϥ. | ابن الله إلهنا · نسبحه ونمجده · لأنه هو المخلص · الذي نخضع له. | ||
Ⲫ̀ⲛⲟⲩϯ ⲛ̀ⲧⲉ ⲡ̀ⲱ̀ⲟⲩ: ⲛ̀ⲑⲟϥ Ⲡⲉⲛⲛⲟⲩϯ ⲡⲉ: ϫⲉ ⲟⲩⲱⲛϩ ⲉ̀ⲃⲟⲗ ⲙ̀Ⲡ̀ϭⲟⲓⲥ: ϫⲉ ⲟⲩⲁ̀ⲅⲁⲑⲟⲥ ⲡⲉ. | إله المجد · هو إلهنا · اعترفوا للرب · فإنه صالح. | ||
Ⲭ̀ⲟⲩⲁⲃ ⲭ̀ⲟⲩⲁⲃ ⲭ̀ⲟⲩⲁⲃ: Ⲡ̀ϭⲟⲓⲥ Ⲡⲓⲡⲁⲛⲧⲟⲕⲣⲁⲧⲱⲣ: ϫⲉ ⲁϥⲓ̀ⲛⲓ ⲛ̀ϩⲁⲛⲑⲏⲟⲩ: ⲉ̀ⲃⲟⲗϧⲉⲛ ⲛⲉϥⲁ̀ϩⲱⲣ. | قدوس قدوس قدوس · الرب الضابط الكل · لأنه أخرج الرياح · من كنوزه. | ||
Ⲯⲩⲭⲏ ⲛ̀ⲧⲉ ⲛⲉⲛⲓⲟϯ: ⲛ̀ⲛⲓⲭ̀ⲣⲏⲥⲧⲓⲁ̀ⲛⲟⲥ: Ⲡ̀ϭⲟⲓⲥ ⲙⲁⲉⲙⲧⲟⲛ ⲛⲱⲟⲩ: ϧⲉⲛ ⲡⲓⲡⲁⲣⲁⲇⲓⲥⲟⲥ. | انفس آبائنا · المسيحيين · يا رب نيحها · في الفردوس. | ||
Ⲱ̀ ⲫⲏⲉ̀ⲧⲁϥϣⲱⲡⲓ: ⲛⲉⲙ ⲡⲉⲛⲓⲱⲧ Ⲁ̀ⲇⲁⲙ: ⲭⲱ ⲛⲁⲛ ⲉ̀ⲃⲟⲗ ⲛ̀ⲛⲉⲛⲛⲟⲃⲓ: ⲱ̀ Ⲫ̀ⲛⲟⲩϯ ⲛ̀Ⲁⲃⲣⲁⲁⲙ. | يا من كان · مع أبينا أدم · أغفر لنا خطايانا · يا إله إبراهيم. | ||
And whenever we, gather for prayer, Let us bless the Name, Of my Lord Jesus. | Ⲗⲟⲓⲡⲟⲛ ⲁⲛϣⲁⲛⲑⲱⲟⲩϯ: ⲉ̀ϯⲡ̀ⲣⲟⲥⲉⲩⲭⲏ: ⲙⲁⲣⲉⲛⲥ̀ⲙⲟⲩ ⲉ̀ⲡⲓⲣⲁⲛ: ⲛ̀ⲧⲉ Ⲡⲁⲟ̅ⲥ̅ Ⲓⲏⲥⲟⲩⲥ. | وأيضاً إذا ما اجتمنا للصلاة فلنبارك إسم ربى يسوع. | |
We bless You, O my Lord Jesus, save us through Your Nam, For we have hope in You. | Ϫⲉ ⲧⲉⲛⲛⲁⲥ̀ⲙⲟⲩ ⲉ̀ⲣⲟⲕ: ⲱ̀ Ⲡⲁⲟ̅ⲥ̅ Ⲓⲏⲥⲟⲩⲥ: ⲛⲁϩⲙⲉⲛ ϧⲉⲛ Ⲡⲉⲕⲣⲁⲛ: ϫⲉ ⲁⲛⲉⲣϩⲉⲗⲡⲓⲥ ⲉ̀ⲣⲟⲕ. | لأننا نباركك يا ربى يسوع نجنا بإسمك لأننا توكلنا عليك. | |
That we may praise You, with Your Good Father, And the Holy Spirit, For You have come and saved us. | Ⲉⲑⲣⲉⲛϩⲱⲥ ⲉ̀ⲣⲟⲕ: ⲛⲉⲙ Ⲡⲉⲕⲓⲱⲧ ⲛ̀ⲁ̀ⲅⲁⲑⲟⲥ: ⲛⲉⲙ Ⲡⲓⲡ̀ⲛⲉⲩⲙⲁ ⲉ̀ⲑⲟⲩⲁⲃ: ϫⲉ (ⲁⲕⲓ̀) ⲁⲕⲥⲱϯ ⲙ̀ⲙⲟⲛ. | لكى نسبحك مع أبيك الصالح والروح القدس لأنك اتيت وخلصتنا. | |
Glory be to the Father, the Son and the Holy Spirit, now and forever, and unto the age of all ages. Amen. | Ⲇⲟⲝⲁ Ⲡⲁⲧⲣⲓ ⲕⲉ Ⲩ̀ⲓⲱ̀: ⲕⲉ ⲁ̀ⲅⲓⲱ̀ Ⲡ̀ⲛⲉⲩⲙⲁⲧⲓ: ⲕⲉ ⲛⲩⲛ ⲕⲉ ⲁ̀ⲓ̀ ⲕⲉ ⲓⲥ ⲧⲟⲩⲥ ⲉ̀ⲱ̀ⲛⲁⲥ ⲧⲱⲛ ⲉ̀ⲱ̀ⲛⲱⲛ: ⲁ̀ⲙⲏⲛ. | المجد للآب والإبن والروح القدس الآن وكل أوان وإلى دهر الداهرين. آمين. | |