Prayer at the Table after Meal

The priest says

Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ ⲡⲓϩⲓⲏⲃ ⲛ̀ⲁ̀ⲗⲏⲑⲓⲛⲟⲥ ⲛ̀ⲧⲉ ⲟⲩⲟⲛ ⲛⲓⲃⲉⲛ: ⲫⲏⲉ̀ⲧⲉ ⲕⲁⲧⲁ ⲡ̀ⲁ̀ϣⲁⲓ ⲛ̀ⲧⲉ ⲡⲉϥⲛⲁⲓ ⲁϥⲥⲱϫⲡ ⲛⲁⲛ ⲛ̀ⲟⲩϩⲩⲡⲟⲅⲣⲁⲙⲟⲛ: ϩⲓⲛⲁ ⲛ̀ⲧⲉⲛⲙⲟϣⲓ ⲛ̀ⲥⲁ ⲛⲉϥϣⲉⲛⲧⲁⲧⲥⲓ.

يا يسوع المسيح الحمل الحقيقى الذى لكل أحد. الذى حسب كثرة رحمته ابقى لنا مثالاً لكى نسلك فى آثاره.

Ⲫⲏⲉ̀ⲧⲁϥⲥⲟⲃϯ ⲛⲱⲟⲩ ⲛ̀ⲟⲩⲧ̀ⲣⲁⲡⲉⲍⲁ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ: ⲁⲩⲟⲱⲙ ⲟⲩⲟϩ ⲁⲩⲥⲓ ⲛ̀ϫⲉ ⲡⲓⲧⲓⲟⲩ ⲛ̀ϣⲟ ⲛ̀ⲣⲱⲙⲓ ⲭⲱⲣⲓⲥ ⲁ̀ⲗⲟⲩ ⲛⲉⲙ ⲥ̀ϩⲓⲙⲓ.

الذى هيأ لهم مائدة فى البرية وأكلوا وشبعوا. أىالخمسة الآلاف رجل سوى النساء والصبيان.

Ⲧⲉⲛϯϩⲟ ⲟⲩⲟϩ ⲧⲉⲛⲧⲱⲃϩ ⲛ̀ⲧⲉⲕⲙⲉⲧⲁ̀ⲅⲁⲑⲟⲥ ⲡⲓⲙⲁⲓⲣⲱⲙⲓ.

نطلب ونتضرع الى صلاحك يا محب البشر.

Ⲥ̀ⲙⲟⲩ ⲉ̀ⲧⲁⲓ ⲧ̀ⲣⲁⲡⲉⲍⲁ ϧⲉⲛ ⲥ̀ⲙⲟⲩ ⲛⲓⲃⲉⲛ ⲙ̀ⲡ̀ⲛⲉⲩⲙⲁⲧⲓⲕⲟⲛ: ⲥ̀ⲙⲟⲩ ⲉ̀ⲛⲁⲓ ⲕⲉ ⲥⲉⲡⲓ ⲉ̀ⲧⲁⲩⲥⲉⲡⲓ ⲉ̀ϩ̀ⲣⲏⲓ ⲉ̀ϫⲱⲥ.

بارك هذه المائدة بكل البركات الروحية. بارك هذه البقايا الاخر التى بقيت عليها.

Ⲥ̀ⲙⲟⲩ ⲉ̀ⲛⲁⲓ ⲉ̀ⲧⲁⲩⲉⲣ ⲡⲓⲛⲁⲓ ⲛⲉⲙⲁⲛ: ⲛⲉⲙ ⲛⲏⲉ̀ⲧⲁⲩϣⲉⲙϣⲓ ⲙ̀ⲙⲟⲛ: ⲛⲉⲙ ⲛⲏⲉⲑⲣⲱⲧⲉⲃ ⲛⲉⲙⲁⲛ: ϧⲉⲛ ⲥ̀ⲙⲟⲩ ⲛⲓⲃⲉⲛ ⲙ̀ⲡ̀ⲛⲉⲩⲙⲁⲧⲓⲕⲟⲛ: ⲙⲟⲓ ⲛⲱⲟⲩ ⲙ̀ⲫ̀ⲙⲁ ⲙ̀ⲡⲟⲩϧⲓⲥⲓ ⲛ̀ϣⲉ ⲛⲉⲙ ⲡⲥⲉ ⲛⲉⲙ ⲙⲁⲡ.

بارك هؤلاء الذين صنعوا معنا الرحمة والذين خدمونا والمتكئين معنا بكل البركات الروحية. واعطِهم عوض تعبهم مئة وستين وثلاثين.

Ⲟⲩⲟϩ ⲙ̀ⲫ̀ⲣⲏϯ ⲉ̀ⲧⲁⲩⲉⲣⲫ̀ⲙⲉⲩⲓ̀ ⲙ̀ⲡⲉⲕⲣⲁⲛ ⲉ̀ⲑⲟⲩⲁⲃ ϩⲓϫⲉⲛ ⲡⲓⲕⲁϩⲓ: ⲁ̀ⲣⲓⲡⲟⲩⲙⲉⲩⲓ̀ ϩⲱⲟⲩ Ⲡ̀ⲟ̅ⲥ̅ ϧⲉⲛ ⲧⲉⲕⲙⲉⲧⲟⲩⲣⲟ: ⲟⲩⲟϩ ϧⲉⲛ ⲡⲁⲓⲕⲉⲉ̀ⲱⲛ ⲫⲁⲓ ⲙ̀ⲡⲉⲣⲭⲁⲩ ⲛ̀ⲥⲱⲕ.

وكما ذكروا اسمك القدوس على الأرض اذكرهم هم أيضاً يا رب فى ملكوتك. وفى هذا الدهر لا تتركهم عنك.

Ϫⲉ ϥ̀ⲥ̀ⲙⲁⲣⲱⲟⲩⲧ ⲟⲩⲟϩ ϥ̀ⲙⲉϩ ⲛ̀ⲱ̀ⲟⲩ ⲛ̀ϫⲉ ⲡⲉⲕⲣⲁⲛ ⲉ̀ⲑⲟⲩⲁⲃ: ⲛⲉⲙ Ⲡⲉⲕⲓⲱⲧ ⲛ̀ⲁ̀ⲅⲁⲑⲟⲥ ⲛⲉⲙ Ⲡⲓⲡ̀ⲛⲉⲩⲙⲁ ⲉ̀ⲑⲟⲩⲁⲃ.

لأنه مبارك ومملوء مجداً إسمك القدوس مع أبيك الصالح والروح القدس.

Ϯⲛⲟⲩ ⲛⲉⲙ ⲛ̀ⲥⲏⲟⲩ ⲛⲓⲃⲉⲛ: ⲛⲉⲙ ϣⲁ ⲉ̀ⲛⲉϩ ⲛ̀ⲧⲉ ⲛⲓⲉ̀ⲛⲉϩ ⲧⲏⲣⲟⲩ: ⲁ̀ⲙⲏⲛ.

الآن وكل أوان وإلى دهر الدهور. آمين.