Prayer at the Table after Meal

The priest says

Ⲧⲉⲛϣⲉⲡϩ̀ⲙⲟⲧ ⲛ̀ⲧⲟⲧⲕ Ⲡ̀ⲟ̅ⲥ̅ Ⲫϯ ⲡⲓⲡⲁⲛⲧⲟⲕⲣⲁⲧⲱⲣ: ϫⲉ ⲛ̀ⲑⲟⲕ ⲡⲉ ⲉ̀ⲧⲁⲕⲥⲟⲃϯ ⲛⲁⲛ ⲛ̀ⲧⲁⲓ ⲧ̀ⲣⲁⲡⲉⲍⲁ: ⲉⲧⲟⲓ ⲙ̀ⲡ̀ⲣⲟⲝⲉⲛⲟⲥ ⲛ̀ⲧⲉ ϯⲁ̀ⲅⲁⲡⲏ.

نشكرك أيها الرب الإله ضابط الكل. لأنك أنت الذى أعددت لنا هذه المائدة التى هى سبب المحبة.

Ⲁ̀ⲛⲟⲛ ϧⲁ ⲛⲉⲕⲉ̀ⲃⲓⲁⲓⲕ ⲉ̀ⲧⲁⲛϭⲓ ⲉ̀ⲃⲟⲗϧⲉⲛ ⲛⲓⲁ̀ⲅⲁⲑⲟⲛ ⲛ̀ⲧⲉ ⲡ̀ⲕⲁϩⲓ.

نحن عبيدك الذين نلنا من خيرات الأرض.

Ⲧⲉⲛϯϩⲟ ⲉ̀ⲣⲟⲕ ⲡⲉⲛⲛⲏⲃ: ⲙⲁⲣⲟⲩⲁ̀ϣⲁⲓ ⲛ̀ϫⲉ ⲛⲏⲉ̀ⲧⲁⲩⲉⲣϩⲟⲩⲟ̀ ⲉ̀ⲣⲟⲛ: ⲕⲁⲧⲁ ⲡⲓⲥ̀ⲙⲟⲩ ⲙ̀ⲡⲓⲧⲓⲟⲩ ⲛ̀ⲱⲓⲕ ⲛⲉⲙ ⲡⲓⲧⲉⲃⲧ ⲥ̀ⲛⲁⲩ.

نسألك يا سيدنا فليكثر ما فضل عنا كبركة الخمس الخبزات والسمكتين.

Ⲛⲁⲓ ⲉ̀ⲧⲁⲕϣⲁⲛϣ ⲉ̀ⲃⲟⲗϩⲓⲧⲟⲧⲟⲩ ⲛ̀ϩⲁⲛⲙⲏϣ ⲛ̀ⲗⲁⲟⲥ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ.

هذه التى عُلت بها جموعاً كثيرة فى البرية.

Ⲉⲁⲕϣⲱⲡⲓ ⲛⲁⲛ ⲙ̀ⲃⲟⲏ̀ⲑⲟⲥ ⲛⲉⲙ ⲣⲉϥϯ ⲉ̀ϩ̀ⲣⲏⲓ ⲉ̀ϫⲱⲛ: ⲁ̀ⲛⲟⲛ ϧⲁ ⲛⲏ ⲧⲏⲣⲟⲩ ⲉ̀ⲧⲁⲛϭⲓ ⲉ̀ⲃⲟⲗⲛ̀ϧⲏⲧⲟⲩ.

وصر لنا عوناً ومقاتلاً عنا. نحن جميع الآخذين منه.

Ⲛⲏ ⲇⲉ ⲉ̀ⲧⲁⲩⲉⲣ ⲡⲓⲛⲁⲓ ⲛⲉⲙⲁⲛ: ⲛⲉⲙ ⲛⲏⲉ̀ⲧⲁⲩϣⲉⲙϣⲓ ⲙ̀ⲙⲟⲛ: ⲛⲉⲙ ⲛⲏⲉⲑⲣⲱⲧⲉⲃ ⲛⲉⲙⲁⲛ: ⲉ̀ⲧⲉ ⲛⲉⲕⲉ̀ⲃⲓⲁⲓⲕ ⲛⲉ.

والذين صنعوا معنا الرحمة والذين خدمونا. والمتكئون معنا. الذين هم عبيدك.

Ⲁ̀ⲣⲓϩ̀ⲙⲟⲧ ⲛⲱⲟⲩ ⲙ̀ⲡⲉⲕϯϣⲉⲃⲓⲱ̀ ⲉⲑⲙⲉϩ ⲛ̀ⲟⲩϫⲁⲓ: ⲉ̀ⲫ̀ⲙⲁ ⲙ̀ⲡⲟⲩϧⲓⲥⲓ.

هب لهم مجازاتك المملوءة خلاصاً عوضاً عن تعبهم.

Ϫⲉ ϥ̀ⲥ̀ⲙⲁⲣⲱⲟⲩⲧ ⲟⲩⲟϩ ϥ̀ⲙⲉϩ ⲛ̀ⲱ̀ⲟⲩ ⲛ̀ϫⲉ ⲡⲉⲕⲣⲁⲛ ⲉ̀ⲑⲟⲩⲁⲃ: Ⲫ̀ⲓⲱⲧ ⲛⲉⲙ Ⲡ̀ϣⲏⲣⲓ ⲛⲉⲙ Ⲡⲓⲡ̀ⲛⲉⲩⲙⲁ ⲉ̀ⲑⲟⲩⲁⲃ.

لأن إسمك القدوس مبارك ومملوء مجداً أيها الآب واللإبن والروح القدس.

Ϯⲛⲟⲩ ⲛⲉⲙ ⲛ̀ⲥⲏⲟⲩ ⲛⲓⲃⲉⲛ: ⲛⲉⲙ ϣⲁ ⲉ̀ⲛⲉϩ ⲛ̀ⲧⲉ ⲛⲓⲉ̀ⲛⲉϩ ⲧⲏⲣⲟⲩ: ⲁ̀ⲙⲏⲛ.

الآن وكل أوان وإلى دهر الدهور. آمين.

Congregation

Lord have mercy. Lord have mercy.

Ⲡ̀ⲟ̅ⲥ̅ ⲛⲁⲓ ⲛⲁⲛ: Ⲡ̀ⲟ̅ⲥ̅ ⲛⲁⲓ ⲛⲁⲛ.

يا رب إرحمنا يا رب إرحمنا.

The priest continues as indicated in The Final Blessing of the Vespers & Matins Incense on page 53. After the priest says “… and the angel of this blessed day,” he continues

Ⲛⲉⲙ ⲡⲓⲥ̀ⲙⲟⲩ ⲛ̀ⲧⲉ Ⲏⲗⲓⲁⲥ ⲡⲓⲡ̀ⲣⲟⲫⲏⲧⲏⲥ ϧⲉⲛ ⲡ̀ⲏⲓ ⲛ̀ϯⲭⲏⲣⲁ ⲛ̀ⲧⲉ Ⲥⲁⲣⲉⲡⲧⲁ.

وبركة إيليا النبى فى بيت أرملة صرفة.

Ⲛⲉⲙ ⲡⲓⲥ̀ⲙⲟⲩ ⲛ̀ϯⲑⲉⲟ̀ⲧⲟⲕⲟⲥ ⲉ̀ⲑⲟⲩⲁⲃ ϯⲁ̀ⲅⲓⲁ̀ Ⲙⲁⲣⲓⲁ̀ ...

وبركة والدة الإله القديسة الطاهرة مريم ...

The priest may choose the following blessing instead of The Final Blessing and says

Ⲡⲁⲟ̅ⲥ̅ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ Ⲡ̀ϣⲏⲣⲓ ⲙ̀Ⲫϯ ⲉⲧⲟⲛϧ: ⲥⲟⲩⲧⲉⲛ ⲧⲉⲕⲟⲩⲓ̀ⲛⲁⲙ ⲛ̀ⲁⲑⲛⲁⲩ ⲉ̀ⲣⲟⲥ: ⲟⲩⲟϩ ⲥ̀ⲙⲟⲩ ⲉ̀ⲧⲁⲓⲧ̀ⲣⲁⲡⲉⲍⲁ ⲑⲁⲓ: ⲛⲉⲙ ⲛⲏⲉⲧⲭⲏ ϩⲓϫⲱⲥ: ⲛⲉⲙ ⲛⲏⲉⲧϥⲓ ⲡⲉⲥⲣⲱⲟⲩϣ.

يا سيدى يسوع المسيح إبن الله الحى امدد يمينك غير المرئية وبارك هذه المائدة والموضوع عليها. والمهتمين بها.

Ϩⲓⲧⲉⲛ ⲛⲓϯϩⲟ ⲛⲉⲙ ⲛⲓⲧⲱⲃϩ ...

بالشفاعات والطلبات ...

And continues to the end of the blessing as shown earlier. In some copies, the priest ends the blessing just before the cogregations says “Lord have mercy…”