Prayer of Submission to the Father

Instead of the Prayer of Submission in the Liturgies of St. Basil and St. Cyril, the priest says

Ⲡ̀ⲟ̅ⲥ̅ Ⲫϯ ⲡⲓⲡⲁⲛⲧⲟⲕⲣⲁⲧⲱⲣ ⲥⲟⲩⲧⲉⲛ ⲧⲉⲕⲟⲩⲓ̀ⲛⲁⲙ ⲉⲧⲁ̀ⲙⲁϩⲓ: ⲟⲩⲟϩ ⲉⲧϫⲉⲙϫⲟⲙ ϧⲉⲛ ϩⲱⲃ ⲛⲓⲃⲉⲛ.

أيها الرب ضابط الكل. ابسط يمينك العزيزة القادرة فى كل شئ.

Ⲟⲩⲟϩ ⲥ̀ⲙⲟⲩ ⲉ̀ⲛⲉⲕⲉ̀ⲃⲓⲁⲓⲕ ⲛⲁⲓ ⲉ̀ⲧⲁⲩⲣⲓⲕⲓ ⲛ̀ⲛⲟⲩⲁ̀ⲫⲏⲟⲩⲓ̀ ⲙ̀ⲡⲉⲙ̀ⲑⲟ ⲙ̀ⲡⲉⲕⲱ̀ⲟⲩ ⲉ̀ⲑⲟⲩⲁⲃ.

وبارك عبيدك هؤلاء الذين امالوا رؤوسهم أمام مجدك القدوس.

Ⲡⲉⲕⲗⲁⲟⲥ ⲫⲁⲓ ⲉ̀ⲧⲁⲕⲥⲟⲧⲡϥ ⲉ̀ⲃⲟⲗϩⲁ ϯⲙⲉⲧⲣⲉϥϣⲉⲡϫⲱⲣⲓ ⲛ̀ⲧⲉ ⲡⲓⲇⲓⲁ̀ⲃⲟⲗⲟⲥ: ⲧⲉⲕⲕ̀ⲗⲏⲣⲟⲛⲟⲙⲓⲁ̀ ⲉⲧⲥⲱⲧⲡ ⲑⲁⲓ ⲉ̀ⲧⲁⲕϫⲫⲟⲥ ϩⲓⲧⲉⲛ ⲡⲓⲥ̀ⲛⲟϥ ⲛ̀ⲧⲉ ⲡⲉⲕⲙⲟⲛⲟⲅⲉⲛⲏⲥ ⲛ̀Ϣⲏⲣⲓ.

شعبك هذا الذى اخترته من تسلط المحتال. ميراثك المختار هذا الذى اقتنيته بدم ابنك الوحيد.

Ⲟⲩⲟϩ ⲙⲁⲣⲉⲛϣⲱⲡⲓ ⲧⲏⲣⲟⲩ ⲉⲛⲧⲟⲩⲃⲏⲟⲩⲧ: ⲉⲛⲟⲓ ⲛ̀ⲁⲧⲁϭⲛⲓ ⲟⲩⲇⲉ ⲑⲱⲗⲉⲃ ⲓⲉ ϭⲱϧⲉⲙ: ⲓⲉ ϩ̀ⲗⲓ ϧⲉⲛ ϯⲕⲁⲕⲓⲁ̀ ⲛ̀ⲁ̀ⲡⲁⲥ.

ولنكن كلنا أنقياء بغير عيب ولا دنس أونجس أوشئ من الشر القديم.

Ϣⲱⲡⲓ ⲛ̀ϧⲏⲧⲉⲛ ⲉ̀ⲡ̀ϫⲓⲛⲧⲉⲛϭⲓ ϧⲉⲛ ⲟⲩⲙ̀ⲡ̀ϣⲁ: ⲉ̀ⲃⲟⲗϧⲉⲛ ⲛⲉⲕⲇⲱⲣⲉⲁ̀ ⲛ̀ⲁⲑⲙⲟⲩ ⲟⲩⲟϩ ⲛ̀ⲉ̀ⲡⲟⲩⲣⲁⲛⲓⲟⲛ.

حل فينا لنتناول باستحقاق من مواهبك غير المائتة السمائية.

Ⲟⲩⲟϩ ⲁ̀ⲣⲓⲧⲉⲛ ⲛ̀ⲉⲙⲡ̀ϣⲁ ⲧⲏⲣⲛ: ϩⲓⲧⲉⲛ ⲑ̀ⲙⲉⲧⲁ̀ⲗⲩⲙⲯⲓⲥ ⲛ̀ⲛⲁⲓⲙⲩⲥⲧⲏⲣⲓⲟⲛ ⲉ̀ⲑⲟⲩⲁⲃ ⲛ̀ⲣⲉϥⲧⲁⲛϧⲟ.

واجعلنا كلنا مستحقين بصعود هذه الأسرار المقدسة المجيية.

Ⲉⲑⲣⲉⲛϣⲱⲡⲓ ⲛ̀ϣ̀ⲫⲏⲣ ⲛ̀ⲥⲱⲙⲁ: ⲛⲉⲙ ϣ̀ⲫⲏⲣ ⲙ̀ⲙⲟⲣⲫⲏ: ⲛⲉⲙ ϣ̀ⲫⲏⲣ ⲙ̀ⲙⲉⲧⲇⲓⲁ̀ⲧⲟⲭⲟⲥ ⲛ̀ⲧⲉ Ⲡⲉⲕⲭ̀ⲣⲓⲥⲧⲟⲥ.

لكى نصير شركاء فى الجسد وشركاء فى الشكل وشركاء فى خلافة مسيحك.

Ⲫⲁⲓ ⲉ̀ⲧⲉⲕⲥ̀ⲙⲁⲣⲱⲟⲩⲧ ⲛⲉⲙⲁϥ: ⲛⲉⲙ ⲡⲓⲡ̀ⲛⲉⲩⲙⲁ ⲉ̀ⲑⲟⲩⲁⲃ ⲛ̀ⲧⲉϥⲧⲁⲛϧⲟ ⲟⲩⲟϩ ⲛ̀ⲟ̀ⲙⲟⲟⲩⲥⲓⲟⲥ ⲛⲉⲙⲁⲕ.

هذا الذى أنت مبارك معه ومع الروح القدس المحيى المساوى لك.

Ϯⲛⲟⲩ ⲛⲉⲙ ⲛ̀ⲥⲏⲟⲩ ⲛⲓⲃⲉⲛ: ⲛⲉⲙ ϣⲁ ⲉ̀ⲛⲉϩ ⲛ̀ⲧⲉ ⲛⲓⲉ̀ⲛⲉϩ ⲧⲏⲣⲟⲩ: ⲁ̀ⲙⲏⲛ.

الآن وكل أوان وإلى دهر الدهور. آمين.