Miscellaneous Prayers

Prayer of Vespers Incense to the Son

Priest

Ⲡⲓⲭ̀ⲣⲓⲥⲧⲟⲥ Ⲡⲉⲛⲛⲟⲩϯ ϯϩⲉⲗⲡⲓⲥ ⲛ̀ⲧⲉ ⲡⲉⲛⲟⲩϫⲁⲓ: ⲉ̀ⲣⲉ ⲡⲉⲛⲱⲛϧ ⲅⲁⲣ ϩⲏⲡ ⲛ̀ϧ̀ⲣⲏⲓ ⲛ̀ϧⲏⲧⲕ: ϩⲓⲧⲉⲛ ⲧⲉⲕⲁ̀ⲛⲁⲥⲧⲁⲥⲓⲥ ⲉ̀ⲑⲟⲩⲁⲃ ⲉ̀ⲃⲟⲗϧⲉⲛ ⲛⲏⲉⲑⲙⲱⲟⲩⲧ.

أيها المسيح إلهنا رجاء خلاصنا الذى حياتنا مخفية فيك من قبل قيامتك المقدسة من الأموات.

Ⲧⲉⲛϣⲉⲡϩ̀ⲙⲟⲧ ⲛ̀ⲧⲟⲧⲕ ⲡⲉⲛⲛⲏⲃ: ⲉⲛⲓ̀ⲛⲓ ⲛⲁⲕ ⲉ̀ϯⲟⲩⲛ ⲟⲛ ϯⲛⲟⲩ ⲛ̀ⲛⲉⲛⲉⲩⲭⲏ ⲛ̀ⲧⲉ ϩⲁⲛⲁ̀ⲣⲟⲩϩⲓ: ⲉ̀ⲧⲁⲛⲓ̀ ⲅⲁⲣ ⲉ̀ⲡ̀ϫⲓⲛϩⲱⲧⲡ ⲛ̀ⲧⲉ ⲫ̀ⲣⲏ: ⲟⲩⲟϩ ⲉⲛⲉ̀ⲙⲓ ϫⲉ ⲙ̀ⲙⲟⲛ ϩ̀ⲗⲓ ⲉϥⲧⲟⲩⲃⲏⲟⲩⲧ ⲉ̀ⲛⲟⲃⲓ ⲙ̀ⲡⲉⲕⲙⲑⲟ.

نشكرك يا سيدنا مقدمين لك أيضاً الآن صلواتنا المسائية. إذ بلغنا إلى غروب الشمس. ونحن عالمون أن ليس أحد نقياً من خطية أمامك.

Deacon

Pray for our sacrifice and those who have brought it.

Ⲡⲣⲟⲥⲉⲩⲝⲁⲥⲑⲉ ⲩ̀ⲡⲉⲣ ⲧⲏⲥ ⲑⲩⲥⲓⲁⲥ ⲏ̀ⲙⲱⲛ ⲡ̀ⲣⲟⲥⲫⲉⲣⲟⲛⲧⲱⲛ.

صلوا من أجل ذبيحتنا والذين قدموها.

Priest

Ⲧⲉⲛⲧⲱⲃϩ ⲙ̀ⲙⲟⲕ ⲡⲓⲙⲁⲓⲣⲱⲙⲓ: ⲉⲑⲣⲉⲕϣⲱⲗⲉⲙ ⲉ̀ⲡⲉⲛϯϩⲟ: ⲉ̀ⲧⲉⲛⲓ̀ⲛⲓ ⲙ̀ⲙⲟϥ ⲛⲁⲕ ⲉ̀ϧⲟⲩⲛ: ⲛⲉⲙ ⲟⲩⲥ̀ⲑⲟⲓⲛⲟⲩϥⲓ: ⲙ̀ⲫ̀ⲣⲏϯ ⲛ̀ϯⲑⲩⲥⲓⲁ̀ ⲛ̀ⲧⲉ Ⲛⲱⲉ̀.

نطلب إليك يا محب البشر أن تستنشق طلبتنا التى نقدمها لك مع البخور مثل ذبيحة نوح.

Ⲟⲩⲟϩ ⲁ̀ⲣⲓⲥⲩⲛⲭⲱⲣⲓⲛ ⲛⲁⲛ ⲛ̀ⲛⲟⲃⲓ ⲛⲓⲃⲉⲛ ⲓⲉ ⲙⲉⲧⲁ̀ⲙⲉⲗⲏⲥ ⲛⲓⲃⲉⲛ: ⲉ̀ⲧⲁⲛⲁⲓⲧⲟⲩ ϧⲉⲛ ⲡⲉⲛⲟⲩⲱϣ ⲓⲉ ϧⲉⲛ ⲡⲉⲛⲟⲩⲱϣ ⲁⲛ.

وسامحنا بكل خطية أوكل توان صنعناهما بإرادتنا أوبغير إرادتنا.

Ⲟⲩⲟϩ ⲁ̀ⲣⲓⲥ̀ⲕⲉⲡⲁⲍⲓⲛ ⲉ̀ϫⲱⲛ ⲉ̀ⲃⲟⲗϩⲁ ⲛⲓⲥⲟⲑⲛⲉϥ ⲛ̀ⲧⲉ ⲡⲓⲇⲓⲁ̀ⲃⲟⲗⲟⲥ: ⲛⲉⲙ ⲛⲓⲡⲁⲑⲟⲥ ⲛ̀ⲧⲉ ϯⲥⲁⲣⲝ.

واسترنا من سهام إبليس وأوجاع الجسد.

Ⲟⲩⲟϩ ⲙⲁⲣⲉⲛⲉⲣⲡ̀ⲉⲙⲡ̀ϣⲁ ⲛ̀ϫⲱⲕ ⲉ̀ⲃⲟⲗ ⲛ̀ⲛⲓⲉⲩⲭⲏ ⲛ̀ⲧⲉ ⲡⲓⲉ̀ϫⲱⲣϩ ϧⲉⲛ ⲟⲩⲗⲟⲅⲓⲥⲙⲟⲥ ⲉϥⲣⲏⲥ.

ولنستحق أن نكمل صلوات الليل بحاسة متيقظة.

Ⲉⲟⲩⲱ̀ⲟⲩ ⲛⲁⲕ ⲛⲉⲙ Ⲡⲉⲕⲓⲱⲧ ⲛ̀ⲁ̀ⲅⲁⲑⲟⲥ: ⲛⲉⲙ Ⲡⲓⲡ̀ⲛⲉⲩⲙⲁ ⲉ̀ⲑⲟⲩⲁⲃ ⲛ̀ⲣⲉϥⲧⲁⲛϧⲟ ⲟⲩⲟϩ ⲛ̀ⲟ̀ⲙⲟⲟⲩⲥⲓⲟⲥ ⲛⲉⲙⲁⲕ.

مجداً لك ولأبيك الصالح والروح القدس المحيى المساوى لك.

Ϯⲛⲟⲩ ⲛⲉⲙ ⲛ̀ⲥⲏⲟⲩ ⲛⲓⲃⲉⲛ ⲛⲉⲙ ϣⲁ ⲉ̀ⲛⲉϩ ⲛ̀ⲧⲉ ⲛⲓⲉ̀ⲛⲉϩ ⲧⲏⲣⲟⲩ: ⲁ̀ⲙⲏⲛ.

الآن وكل أوان وإلى دهر الدهور. آمين.

Ⲟⲩⲟϩ ⲧⲉⲛϯϩⲟ ⲉ̀ⲣⲟⲕ ⲡⲉⲛⲛⲏⲃ: ⲁ̀ⲣⲓⲫ̀ⲙⲉⲩⲓ̀ Ⲡ̀ⲟ̅ⲥ̅ ⲛ̀ϯϩⲓⲣⲏⲛⲏ ...

ونسألك يا سيدنا أذكر يا رب سلام ...