لبش رابع على تذاكية الخميس

Ϣⲁϣϥ ⲛ̀ⲁⲣⲭⲏⲁⲅⲅⲉⲗⲟⲥ : ⲥⲉϩⲱⲥ ⲉⲪⲓⲱⲧ ⲛ̀ⲁⲅⲁⲑⲟⲥ : ⲛⲉⲙ Ⲡϣⲏⲣⲓ ⲛ̀ⲁⲓⲇⲓⲟⲥ : ⲛⲉⲙ Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ  . 

سبعة رؤساء الملائكة يسبحون الآب الصالح والابن الذاتي والروح القدس.

Ⲧⲫⲉ ⲛⲉⲙ ⲡ̀ⲕⲁϩⲓ ⲥ̀ⲙⲟⲩ ⲉⲪϯ : ⲁⲣⲓⲯⲁⲗⲓⲛ ⲉⲠϭⲟⲓⲥ Ⲡⲉⲛⲛⲟⲩϯ : ⲉⲧⲁϥϣⲉ ⲉⲡⲉⲥⲏⲧ ⲉⲁⲙⲉⲛϯ : ⲁϥⲓ̀ⲛⲓ ⲉⲡ̀ϣⲱⲓ ⲛ̀ϯⲉⲭⲙⲁⲗⲱⲥⲓⲁ  . 

يا أيتها السماء والأرض سبحا الله رتلا للرب إلهنا الذي نزل إلى الجحيم وأصعد السبي.

Ⲛⲑⲟϥ ⲫⲏⲉⲧⲁϥⲱⲣⲕ ⲛ̀Ⲇⲁⲩⲓⲇ ⲡⲉϥⲃⲱⲕ : ϫⲉ ⲉⲃⲟⲗϧⲉⲛ ⲡ̀ⲟⲩⲧⲁϩ ⲛ̀ⲧⲉⲕϯⲡⲓϩⲱⲕ : ⲉϥⲉ̀ϩⲉⲙⲥⲓ ⲉϫⲉⲛ ⲫⲏⲉⲧⲉⲫⲱⲕ : ⲛ̀ⲑ̀ⲣⲟⲛⲟⲥ ⲙ̀ⲃⲁⲥⲓⲗⲓⲕⲟⲛ  . 

هو الذي خلق لداود عبده انه من ثمرة صلبك يجلس على كرسيك الملوكي.

Ⲁ ⲡ̀ϩⲏⲧ ⲙ̀ⲡⲓⲑ̀ⲙⲏⲓ ⲁϥⲑⲱⲧ : ⲉⲑⲃⲉ ⲡⲓⲥⲁϫⲓ ⲛ̀ⲧⲉ ⲡⲓϩ̀ⲙⲟⲧ : ⲭ̀ⲛⲁϣⲱⲡⲓ ⲙ̀Ⲡⲓⲭⲣⲓⲥⲧⲟⲥ ⲛ̀ⲓⲱⲧ : ⲁϥⲑⲉⲗⲏⲗ ϧⲉⲛ Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ  . 

فطاب قلب الصديق من اجل كلام النعمة ان تصير للمسيح أباو تهلل بالروح القدس.

Ⲇⲁⲩⲓⲇ ⲡ̀ⲟⲩⲣⲟ ⲁϥⲕⲱϯ ⲛ̀ϣⲟⲣⲡ : ⲉϫⲓⲙⲓ ⲙ̀Ⲡϭⲟⲓⲥ ⲛ̀ⲟⲩⲟⲩⲏⲃ ⲉϥⲥⲱⲧⲡ : ⲉⲑⲣⲉϥϫⲱⲓⲗⲓ ⲉⲣⲟϥ ⲛ̀ⲭⲱⲡ : ⲉϣ̀ⲧⲉⲙⲉⲙⲓ ⲛ̀ϫⲉ ⲡ̀ⲥⲁⲧⲁⲛⲁⲥ  . 

داود الملك طلب أولا ان يجد للرب كاهنا مختاراً لكي يضيفه سرا لئلا يعلم الشيطان.

Ⲁϥⲱⲣⲕ ⲡⲉϫⲁϥ ϧⲉⲛ ⲟⲩⲁⲛⲁϣ : ϫⲉ ⲛ̀ⲛⲁⲁⲗⲏⲓ ⲉϫⲉⲛ ⲡⲁⲫ̀ⲣⲏϣ : ϣⲁ ⲛ̀ⲧⲟⲩϫⲱⲕ ⲙ̀ⲡⲁⲟⲩⲱϣ : ⲛ̀ⲧⲁⲛⲁⲩ ⲉⲫ̀ⲙⲁ ⲛ̀ⲧⲉϥⲟⲓⲕⲟⲛⲟⲙⲓⲁ  . 

حلف وقال بقسم أني لا أصعد على فراشي حتى تكمل ارادتي وانظر إلى موضع تدبيره.

Ⲛⲧⲁϣⲉ ⲉϧⲟⲩⲛ ⲉⲣⲟϥ : ⲛ̀ⲧⲁⲟⲩⲱϣⲧ ϧⲉⲛ ⲟⲩⲟⲩⲛⲟϥ : ⲉⲡⲓⲙⲁ ⲉⲣⲉ ⲛⲉϥϭⲁⲗⲁⲩϫ ⲙ̀ⲙⲟϥ : ⲛ̀ⲧⲉⲥⲱⲛϧ ⲛ̀ϫⲉ ⲧⲁⲯⲩⲭⲏ  . 

لادخل إليه واسجد بابتهاج في الموضع حيث قدميه فيه فتحي نفسي.

Ⲁϥⲧⲱⲛϥ ⲛ̀ϫⲉ ⲡⲓϩⲩⲙⲛⲟⲇⲟⲥ : ⲁϥⲕⲓⲙ ⲛ̀ⲧⲉϥⲕⲩⲑⲁⲣⲁ ⲉϥϫⲱ ⲙ̀ⲙⲟⲥ : ϫⲉ ϧⲉⲛ Ⲁⲫⲣⲁⲑⲁ ⲁⲛⲥⲱⲧⲉⲙ ⲉⲣⲟⲥ : ⲉⲧⲉⲃⲏⲑⲗⲉⲉⲙ ⲧⲉ  . 

فقام المرتل وحرك قيثارته قائلاً في أفرانا سمعناها التي هي بيت لحم.

Ⲡⲓⲙⲁ ⲉⲧⲉ Ⲙⲁⲣⲓⲁ ⲙⲓⲥⲓ ⲙ̀ⲙⲟϥ : ϧⲉⲛ ⲟⲩⲱⲟⲩ ⲛ̀ⲧⲁⲥⲁϫⲓ ⲙ̀ⲙⲟϥ : ⲉⲑⲃⲉ ⲫⲁⲓ ⲧⲉ ⲛ̀ϯϩⲟ ⲉⲣⲟϥ : ⲛ̀ⲧⲉϥⲥⲱϯ ⲙ̀ⲙⲟⲛ ⲛ̀ⲧⲉϥⲛⲁⲓ ⲛⲁⲛ  . 

الموضع الذي ولدته فيه مريم بمجد لا ينطق به من أجل هذا نسأله أن يخلصنا يرحمنا.

Ⲙⲁⲣⲉⲛϯϩⲟ ⲉⲣⲟⲥ ⲙ̀ⲙⲏⲛⲓ : ⲛⲉⲙ ⲡⲉⲥⲙⲟⲛⲟⲅⲉⲛⲏⲥ ⲛ̀ϣⲏⲣⲓ : ⲫⲏⲉⲧ ϫⲟⲩϣⲧ ⲉϫⲉⲛ ⲛⲉⲛⲛⲟⲃⲓ : ⲛ̀ⲧⲉϥⲛⲁⲓ ⲛⲁⲛ ⲕⲁⲧⲁ ⲡⲉϥⲛⲓϣϯ ⲛ̀ⲛⲁⲓ  .

فلنسألها كل يوم مع ابنها الوحيد المطلع علي خطايانا ان يرحمنا كعظيم رحمته.