Adam Exposition

Ⲡⲓⲭ̀ⲗⲟⲙ ⲛ̀ⲧⲉ ⲡⲉⲛϣⲟⲩϣⲟⲩ: ⲁ̀ⲛⲟⲛ ϧⲁ ⲛⲓⲡⲓⲥⲧⲟⲥ: ⲡⲉ Ϯⲑⲉⲟ̀ⲇⲟⲕⲟⲥ: Ⲙⲁⲣⲓⲁ̀ Ϯⲡⲁⲣⲑⲉⲛⲟⲥ.

إكليل فخرنا · نحن المؤمنين · هي والدة الإله · مريم العذراء.

Ⲑⲏⲉ̀ⲧⲁⲥⲙⲓⲥⲓ ⲛⲁⲛ: ⲙ̀Ⲡⲉⲛϭⲟⲓⲥ Ⲓⲏⲥⲟⲩⲥ Ⲡⲓⲭⲣⲓⲭⲧⲟⲥ: ⲡ̀ϣⲏⲣⲓ ⲙ̀Ⲫ̀ⲛⲟⲩϯ ⲉⲧϭⲟⲥⲓ: ⲕⲁⲧⲁ ⲡ̀ⲥⲁϫⲓ ⲙ̀ⲡⲓⲁ̀ⲅⲅⲉⲗⲟⲥ.

التي ولدت لنا · ربنا يسوع المسيح · ابن الله العلى · كقول الملاك.

Ⲟⲩⲛⲓϣϯ ⲡⲉ ⲡ̀ⲱ̀ⲟⲩ: ⲛ̀ⲧⲉ ⲧⲉⲡⲣⲑⲉⲛⲓⲁ̀: Ⲙⲁⲣⲓⲁ̀ Ϯⲡⲁⲣⲑⲉⲛⲟⲥ: ⲑ̀ⲙⲁⲩ ⲙ̀Ⲡⲉⲛⲛⲟⲩϯ.

عظيم هو مجد · بتوليتك · يا مريم العذراء · أم إلهنا.

Ⲁ̀ⲣⲉϫⲉⲙ ⲟⲩϩ̀ⲙⲟⲧ: ϧⲁⲧⲉⲛ Ⲫ̀ⲛⲟⲩϯ Ⲫ̀ⲓⲱⲧ: ϫⲉ ⲟⲩⲡⲛⲉⲩⲙⲁ ⲉϥⲟⲩⲁⲃ: ⲉⲑⲛⲏⲟⲩ ⲉ̀ϧⲣⲏⲓ ⲉ̀ϫⲱ.

وجدتِ نعمة · عند الله الآب · الروح القدس · حلَّ عليكِ.

Ⲟⲩϫⲟⲙ ⲛ̀ⲧⲉ ⲫⲏⲉⲧϭⲟⲥⲓ: ⲁⲥⲉⲣϧⲏⲓⲃⲓ ⲉ̀ⲣⲟ: ϫⲉ ⲛ̀ⲑⲟ ⲡⲉ ϯⲙⲟⲩⲕⲓ: ⲉ̀ⲧⲁ Ⲓⲁⲕⲱⲃ ⲛⲁⲩ ⲉ̀ⲣⲟⲥ.

وقوة العلى · ظللتكِ · لأنكِ أنتِ السلم · الذى رآه يعقوب.

Ⲉⲥⲧⲁϫⲣⲏⲟⲩⲧ ϩⲓϫⲉⲛ ⲡⲓⲕⲁϩⲓ: ⲉⲥϭⲟⲥⲓ ϣⲁ ⲉ̀ϩ̀ⲣⲏⲓ ⲉ̀ⲧ̀ⲫⲉ: ⲉ̀ⲣⲉ ⲛⲓⲁⲅⲅⲉⲗⲟⲥ: ⲛⲏⲟⲩ ⲉ̀ⲡⲉⲥⲏⲧ ϩⲓⲱⲧⲥ.

ثابتاً على الأرض · ومرتفعاً إلى السماء · والملائكة · نازلين عليه.

Ⲭⲉⲣⲉ ϯⲙⲁⲥⲛⲟⲩϯ: Ⲙⲁⲣⲓⲁ̀ Ϯⲡⲁⲣⲑⲉⲛⲟⲥ: ⲭⲉⲣⲉ ϯⲟⲩⲣⲱ: ⲑ̀ⲙⲁⲩ ⲙ̀ⲡⲓⲟⲩⲣⲟ.

السلام لوالدة الإله · مر يم العذراء · السلام للملكة · أم الملك.

Ⲭⲉⲣⲉ ⲑⲏⲉ̀ⲧⲁⲥϫⲉⲙ ϩ̀ⲙⲟⲧ: Ⲡ̀ϭⲟⲓⲥ ϣⲟⲡ ⲛⲉⲙⲉ: ⲭⲉⲣⲉ ⲑⲏⲉ̀ⲧⲁⲥⲙⲓⲥⲓ: ⲙ̀ⲫ̀ⲣⲉϥⲑⲁⲙⲓⲟ̀ ⲙ̀ⲡⲓⲡ̀ⲧⲏⲣϥ.

السلام للتى وجدت نعمة · الرب معكِ · السلام للتي ولدت · خالق الكل.

Ⲭⲉⲣⲉ ⲑⲏⲉ̀ⲧⲁⲥϯ ⲙ̀ⲡ̀ⲥⲱϯ: ⲛ̀Ⲁ̀ⲇⲁⲙ ⲛⲉⲙ Ⲉⲩⲁ̀: ⲉ̀ⲃⲟⲗϧⲉⲛ ϯⲙⲉⲧⲃⲱⲕ: ⲛ̀ⲧⲉ ϯⲙⲉⲧϫⲁϫⲓ.

السلام للتي خلَّصت · آدم وحواء · من العبودية · التي للعداوة.

Ⲭⲉⲣⲉ ⲡⲓⲧⲱⲟⲩ ⲉ̀ⲑⲟⲩⲁⲃ: ⲉ̀ⲧⲁϥⲉⲣⲙⲁⲛϣⲱⲡⲓ: ⲙ̀Ⲫ̀ⲛⲟⲩϯ ⲛ̀ⲧⲉ ⲧ̀ⲫⲉ: ⲛⲉⲙ ⲡⲓⲡⲛⲉⲩⲙⲁ ⲉ̀ⲑⲟⲩⲁⲃ.

السلام للجبل المقدس · الذي صار مسكناً · لإله السماء · والروح القدس.

Ⲡ̀ⲧⲁⲓⲟ̀ ⲛ̀ϯⲡⲁⲣⲑⲉⲛⲟⲥ: ⲟⲩⲁⲧⲥⲁϫⲓ ⲙ̀ⲙⲟϥ ⲡⲉ: ϫⲉ Ⲉⲙⲙⲁⲛⲟⲩⲏⲗ: ⲁϥϭⲓⲥⲁⲣⲝ ⲛ̀ϧⲏⲧⲥ.

كرامة العذراء · لا ينطق بها · لأن عمانوئيل · آتي وتجسد منها.

Ⲫⲏⲉⲧϣⲟⲡ ϧⲉⲛ ⲡⲓⲟⲩⲱⲓⲛⲓ: ⲁϥϣⲱⲡⲓ ϧⲉⲛ ⲧⲉⲛⲉϫⲓ: ⲙ̀ⲯⲓⲧ ⲛ̀ⲁ̀ⲃⲟⲧ: ϣⲁ ⲛ̀ⲧⲉϥⲥⲱϯ ⲙ̀ⲙⲟⲛ.

الساكن في النور · حل في بطنك · تسعة اشهر · حتى خلصنا.

Ⲟⲩⲟϩ ⲙⲉⲛⲉⲛⲥⲁ ⲑ̀ⲣⲉⲙⲁⲥϥ: ⲁ̀ⲣⲉⲟ̀ϩⲓ ⲉ̀ⲣⲉⲟⲓ ⲙ̀ⲡⲁⲣⲑⲉⲛⲟⲥ: ⲕⲁⲧⲁ ⲡ̀ⲥⲁϫⲓ ⲛ̀Ⲓⲉⲍⲕⲉⲕⲓⲏⲗ: ⲡⲓⲛⲓϣϯ ⲙ̀ⲡ̀ⲣⲟⲫⲏⲧⲏⲥ.

ومن بعد ما ولدته · بقيت عذ راء · كما تكلم حزقيال · عظيم الانبياء.

Ⲉ̀ⲣⲉ ⲁϣ ⲛ̀ⲗⲁⲥ ⲛ̀ⲥⲁⲣⲝ: ⲛⲁϣ̀ϫⲉⲙϫⲟⲙ ⲉ̀ⲥⲁϫⲓ: ⲙ̀ⲡ̀ⲱ̀ⲟⲩ ⲛⲉⲙ ⲡ̀ⲧⲁⲓⲟ̀: ⲛ̀ⲧⲉ ⲧⲁⲓⲡⲁⲣⲑⲉⲛⲟⲥ.

أى لسانٍ جسداني · يستطيع أن ينطق · بمجد وكرامة · هذه العذراء.

Ϫⲉ ⲛ̀ⲑⲟⲥ ⲧⲉ ⲁⲥϣⲱⲡⲓ: ⲙ̀ⲡⲓⲑ̀ⲣⲟⲛⲟⲥ ⲉϥϭⲟⲥⲓ: Ⲡ̀ⲡⲓⲡⲁⲛⲧⲟⲕⲣⲁⲧⲱⲣ: Ⲓⲏⲥⲟⲩⲥ Ⲡⲓⲭⲣⲓⲥⲧⲟⲥ Ⲡⲉⲛⲛⲟⲩϯ.

لأنها صارت · كرسياً عالياً · لضابط الكل · يسوع المسيح الهنا.

Ⲉⲑⲃⲉ ⲫⲁⲓ ⲧⲉⲛⲱϣ: ⲉⲛϫⲱ ⲙ̀ⲙⲟⲥ ϫⲉ: ⲭⲉⲣⲉ ⲑⲏⲉⲑⲙⲉϩ ⲛ̀ϩ̀ⲙⲟⲧ: Ⲡ̀ϭⲟⲓⲥ ϣⲟⲡ ⲛⲉⲙⲉ.

من اجل هذا · نصر خ قائلين · افرحى يا ممتلئة نعمة · الرب معك.

Ⲁ̀ⲣⲓⲡ̀ⲣⲉⲥⲃⲉⲩⲓⲛ ⲉ̀ϩ̀ⲣⲏⲓ ⲉ̀ϫⲱⲛ: ϧⲁⲧⲉⲛ ⲡⲉϣⲏⲣⲓ ⲙ̀ⲙⲉⲛⲣⲓⲧ: ⲛ̀ⲧⲉϥⲭⲁ ⲛⲉⲛⲛⲟⲃⲓ: ⲛⲁⲛ ⲉ̀ⲃⲟⲗ: ⲁ̀ⲙⲏⲛ: ⲁ̀ⲗⲗⲏⲗⲟⲩⲓⲁ̀.

اشفعى فينا · عند ابنك الحبيب · ليغفر لنا · خطايانا. آمين · هلليلويا.