Third Psali Adam | |||
Ⲁ̀ⲛⲟⲛ ϩⲱⲛ ⲡⲉⲛϣⲟⲩϣⲟⲩ: ϣⲱⲡⲓ ⲉⲃⲟⲗⲛ̀ϧⲏϯ: ⲱ ⲡⲓⲭⲗⲟⲙ ⲛ̀ⲧⲉ ⲡⲉⲛϣⲟⲩϣⲟⲩ: ⲧⲁⲡⲁⲣⲭⲏ ⲙ̀ⲡⲉⲛⲥⲱϯ. | نحن فخرنا منك يا أكليل فخرنا ورأس خلاصنا | ||
Ⲃⲟⲛ ⲛⲓⲃⲉⲛ ⲥⲉⲧⲁⲓⲟ: ⲛ̀ϯⲕⲁⲑⲁⲣⲟⲥ: ⲡⲧⲁϫⲣⲟ ⲙ̀ⲡⲉⲛⲧⲟⲩⲃⲟ: ⲡⲉ ϯⲑⲉⲟⲧⲟⲕⲟⲥ. | كل أحد يكرم النقية ثبات طهارتها والدة الإله | ||
Ⲅⲉ ⲅⲁⲣ ⲡⲉ ⲫⲛⲁϩⲙⲉⲛ: ⲉⲑⲃⲉ ϯⲡⲁⲣⲑⲉⲛⲟⲥ: ⲑⲏⲉⲧⲁⲥⲙⲓⲥⲓ ⲛⲁⲛ: ⲙ̀ⲫϯ ⲡⲓⲗⲟⲅⲟⲥ. | لأن خلاصنا هو من أجل العذراء التي ولدت لنا الله الكلمة | ||
Ⲇⲁⲩⲓⲇ ϧⲉⲛ ⲡⲉϥⲉⲙⲓ: ⲁϥϫⲱ ⲙ̀ⲡ̅ⲛ̅ⲁ̅ⲧⲓⲕⲟⲛ: ⲉⲑⲃⲉ ⲫⲏⲉⲧⲁϥϭⲓⲥⲁⲣⲝ ⲛ̀ϧⲏϯ: ⲉⲑⲃⲉ ⲡⲉⲛⲟⲩϫⲁⲓ. | داود بفهمه قال بالروح من أجل الذي تجسد منك من أجل خلاصنا | ||
Ⲉⲑⲃⲉ ⲫⲁⲓ ⲧⲉⲛϯⲱⲟⲩ: ⲛ̀ϯⲡⲁⲣⲑⲉⲛⲟⲥ Ⲙⲁⲣⲓⲁ̀: ϫⲉ ⲟⲩⲛⲓϣϯ ⲡⲉ ⲡⲱⲟⲩ: ⲛ̀ⲧⲉ ⲧⲉⲡⲁⲣⲑⲉⲛⲓⲁ. | من أجل هذا نمجد العذراء مريم قائلين عظيم هو مجد بتوليتك | ||
Ⲥⲟⲟⲩ ⲅⲁⲣ ⲛ̀ⲁⲃⲟⲧ: ⲁϥϩϣⲉⲛⲛⲟⲩϥⲓ ⲛⲉ: ⲅⲁⲃⲣⲓⲏⲗ ⲡⲉⲧⲥⲙⲁⲣⲱⲟⲩⲧ: ϫⲉ ⲡϭⲟⲓⲥ ϣⲟⲡ ⲛⲉⲙⲉ. | ستة أشهر بشرك غبريال المبارك قائلاً الرب معك | ||
Ⲍⲱⲛⲧ ⲁϥⲥⲱⲧⲡ ⲙ̀ⲙⲟ: ⲁϥⲓ ⲁϥϣⲱⲡⲓ ⲛ̀ϧⲏϯ: ⲱ ⲑⲏⲉⲑⲙⲉϩ ⲛ̀ⲱⲟⲩ: Ⲙⲁⲣⲓⲁ̀ Ϯⲙⲁⲥⲛⲟⲩϯ. | الخالق اختارك أتي وحل فيك أيتها المملوء مجداً مريم والدة الإله | ||
Ⲏ̀ⲥⲁⲏ̀ⲁⲥ ⲡⲓⲡⲣⲟⲫⲏⲧⲏⲥ: ⲁϥⲥⲁϫⲓ ⲉⲡⲉⲧⲁⲓⲟ: Ⲙⲁⲣⲓⲁ̀ ϯⲡⲁⲣⲑⲉⲛⲟⲥ: ⲑⲙⲁⲩ ⲛ̀ⲓⲏ̅ⲥ̅ ⲡⲟⲩⲣⲟ. | أشعياء النبي تكلم بكرامتك يا مريم العذراء أم الملك يسوع | ||
Ⲑⲁⲓ ⲧⲉ ϯⲛⲓϣϯ ⲛ̀ϩⲟⲩⲟ: ⲉⲧⲉ ⲧⲉⲡⲁⲣⲑⲉⲛⲓⲁ: ⲱ ⲑⲏⲉⲑⲙⲁⲓⲟ: ϯϣⲉⲗⲉⲧ Ⲙⲁⲣⲓⲁ̀. | هذه هي عظيمة بالأكثر اي بتوليتك أيتها الطاهرة العروسة مريم | ||
Ⲓⲏⲥⲟⲩⲥ Ⲡⲓⲭⲣⲓⲥⲧⲟⲥ Ⲡⲉⲛϭⲟⲓⲥ: ⲁϥϣⲱⲡⲓ ⲛ̀ϧⲏϯ: ⲱ ϯⲡⲁⲣⲑⲉⲛⲟⲥ: ⲑⲙⲁⲩ ⲙ̀ⲡⲉⲛⲛⲟⲩϯ. | يسوع المسيح ربنا حل فيك أيتها العذراء أم إلهنا | ||
Ⲕⲁⲧⲁⲫⲣⲏϯ ⲟⲛ: ⲁϥⲥⲁϫⲓ ⲛ̀ϩⲟⲩⲓⲧ: ⲛ̀ϫⲉ ⲥⲟⲗⲟⲙⲱⲛ: ⲡϣⲏⲣⲓ ⲛ̀ⲇⲁⲩⲓⲇ. | كذلك أيضاً تكلم اولا سليمان بن داود | ||
Ⲗⲟⲓⲡⲟⲛ ϧⲉⲛ ⲟⲩϯⲙⲁϯ: ⲛ̀ⲧⲉ ⲫϯ ⲫⲓⲱⲧ: ⲁϥⲓ ⲁϥϣⲱⲡⲓ ⲛ̀ϧⲏϯ ⲙ̀ⲑ̅ ⲛ̀ⲁⲃⲟⲧ. | وأيضا بمسرة الله الآب أتي وسكن فيك تسعة أشهر | ||
Ⲙⲉⲛⲉⲛⲥⲁ ⲑⲣⲉϥⲉⲣⲣⲱⲙⲓ: ⲛ̀ⲑⲟϥ ⲟⲛ ⲡⲉ ⲫϯ: ⲧⲉⲛϯⲱⲟⲩ ⲛⲁϥ ⲕⲁⲧⲁ ⲡⲧⲟⲙⲓ ϫⲉ ⲛ̀ⲑⲟϥ ⲡⲉ ⲡⲉⲛⲛⲟⲩϯ. | وأيضا بعد تأنسه هو الله أيضاً نمجده كما يليق لأنه هو إلهنا | ||
Ⲛⲉⲙ ⲡⲓⲙⲩⲥⲧⲏⲣⲓⲟⲛ: ⲉⲧⲟⲓ ⲛ̀ϣⲫⲏⲣⲓ: ϫⲉ ⲁϥⲓ ⲁϥⲥⲱϯ ⲙ̀ⲙⲟⲛ: ⲉⲃⲟⲗϧⲉⲛ ⲛⲉⲛϫⲁϫⲓ. | والسر العجيب أنه أتي وخلصنا من أعدائنا | ||
Ⲝⲙⲁⲣⲱⲟⲩⲧ ⲱ ⲩ̅ⲥ̅ ⲑ̅ⲥ̅: ⲛⲉⲙ ⲡⲉⲕⲓⲱⲧ ⲛ̀ⲁⲅⲁⲑⲟⲥ: ⲛⲉⲙ ⲡⲓⲡ̅ⲛ̅ⲁ̅ ⲙ̀ⲡⲁⲣⲁⲕⲗⲏⲧⲟⲥ: ϯⲧⲣⲓⲁⲥ ⲉ̀ⲑⲟⲩⲁⲃ ⲛ̀ⲟⲙⲟⲟⲩⲥⲓⲟⲥ. | تباركت يا ابن الله مع أبيك الصالح والروح المعزي والثالوث المساوي | ||
Ⲟⲩⲟϩ ⲛ̀ⲡⲁⲓⲣⲏϯ: ⲁϥϭⲓⲥⲁⲣⲝ ⲛ̀ϧⲏϯ: ϧⲉⲛ ⲟⲩⲙⲉⲧⲁⲧϣⲓⲃϯ: ϫⲉ ⲛ̀ⲑⲟϥ ⲡⲉ ⲡⲉⲛⲛⲟⲩϯ. | وهكذا ايضا تجسد منك بغير تغيير لأنه هو إلهنا | ||
Ⲡⲧⲁⲓⲟ ⲛ̀ϯⲡⲁⲣⲑⲉⲛⲟⲥ: ⲟⲩⲁⲧⲥⲁϫⲓ ⲙ̀ⲙⲟϥ ⲡⲉ: ϫⲉ ⲓⲏ̅ⲥ̅ ⲡⲭ̅ⲥ̅: ⲛⲁϥϣⲱⲡⲓ ⲛ̀ϧⲏⲧⲥ ⲡⲉ. | كرامة العذراء لا ينطق بها لن يسوع المسيح سكن فيها | ||
Ⲣⲁϣⲓ ⲟⲩⲛⲟϥ ⲛ̀ϩⲏⲧ: ⲱ ⲛⲓⲭⲣⲓⲥⲧⲓⲁⲛⲟⲥ: ϫⲉ ⲁⲫϯ ⲡⲓⲛⲁⲏⲧ: ⲁϥϣⲁⲓ ⲥⲱⲙⲁⲧⲓⲕⲟⲥ. | أفرحوا ببهجة قلب أيها المسيحيين لأن الله الرحوم أشرق متجسداً | ||
Ⲥⲉⲉⲣⲫⲙⲉⲩⲓ ⲙ̀ⲡⲉⲣⲁⲛ: ⲱ ϯϭⲣⲟⲙⲡⲓ ⲉⲑⲛⲉⲥⲱⲥ: ϧⲉⲛ ⲅⲉⲛⲉⲁ ⲛⲓⲃⲉⲛ: ϫⲉ ⲛ̀ⲑⲟ ⲡⲉ ⲑⲙⲁⲩ ⲙ̀Ⲡⲓⲭⲣⲓⲥⲧⲟⲥ. | سيذكرون اسمك ايتها الحمامة الحسنة في كل الأجيال لأنك أم المسيح | ||
Ⲧⲉⲛϭⲓⲥⲓ ⲙ̀ⲙⲟ: ⲉϩⲟⲧⲉ ⲛⲓⲁⲅⲅⲉⲗⲟⲥ: ϫⲉ ⲁⲫϯ ⲥⲱⲧⲡ ⲙ̀ⲙⲟ: ⲛⲁϥ ⲛ̀ⲟⲩⲑⲣⲟⲛⲟⲥ. | نعظمك أكثر من الملائكة لأن الله اختارك له كرسيا | ||
Ⲩⲓⲟⲥ Ⲑⲉⲟⲥ ⲙⲁϩⲧⲉⲛ: ⲉⲃⲟⲗϧⲉⲛ ⲧⲉⲥⲟⲫⲓⲁ: ⲉⲑⲃⲉ ⲧⲉⲕⲙⲁⲩ ⲛⲁⲓ ⲛⲁⲛ: ⲟⲩⲟϩ ⲭⲱ ⲛⲁⲛ ⲛ̀ⲛⲉⲛⲁⲛⲟⲙⲓⲁ. | يا ابن الله املأنا من حكمتك لجل والدتك ارحمنا وأغفر لنا آثامنا | ||
Ⲫ̀ⲛⲟⲩϯ ⲙⲟⲓ ⲛⲁⲛ: ⲛ̀ⲟⲩⲥⲩⲙⲫⲱⲛⲓⲁ: ⲉⲛⲱϣ ⲉⲃⲟⲗ ⲧⲏⲣⲉⲛ: ϫⲉ ⲭⲉⲣⲉ ⲛⲉ Ⲙⲁⲣⲓⲁ̀. | يا الله أعطنا اتفاق لنصرخ قائلين السلام لك يا مريم | ||
Ⲭⲉⲣⲉ ϯϣⲉⲗⲉⲧ: ⲭⲉⲣⲉ ϯⲡⲁⲛⲁⲅⲓⲁ: ⲑⲙⲁⲩ ⲙ̀ⲡⲓⲛⲁⲏⲧ: ⲡⲁⲣⲑⲉⲛⲟⲥ Ⲙⲁⲣⲓⲁ̀. | السلام للعروسة السلام للقديسة ام الرحوم العذراء مريم | ||
Ⲯⲱⲧⲏⲣ ⲙ̀ⲡⲓⲕⲟⲥⲙⲟⲥ: ⲙⲟⲓ ⲛⲁⲛ ⲛ̀ⲟⲩⲥⲱⲧⲏⲣⲓⲁ: ⲛⲁⲓ ⲛⲁⲛ ⲱ ⲡⲓⲁⲅⲁⲑⲟⲥ ⲉⲑⲃⲉ ϯϣⲉⲗⲉⲧ Ⲙⲁⲣⲓⲁ̀. | يا مخلص العالم أعطنا خلاصا وارحمنا ايها الصالح لأجل العروسة مريم | ||
Ⲱ̀ ⲡⲉⲛⲛⲏⲃ ⲁⲛⲟⲕ ⲡⲉ ⲡⲉⲕⲃⲱⲕ: ⲭⲱ ⲛⲏⲓ ⲛ̀ⲛⲁⲛⲟⲙⲓⲁ: ϫⲉ ⲁⲓⲫⲱⲧ ϩⲁⲣⲟⲕ: ⲛⲁϩⲙⲉⲧ ⲉⲑⲃⲉ Ⲙⲁⲣⲓⲁ̀. | يا سيدنا أنا أعبدك أغفر لي آثامي لأني التجأت إليك فخلصني لأجل مريم | ||
And whenever we, gather for prayer, Let us bless the Name, Of my Lord Jesus. | Ⲗⲟⲓⲡⲟⲛ ⲁⲛϣⲁⲛⲑⲱⲟⲩϯ: ⲉ̀ϯⲡ̀ⲣⲟⲥⲉⲩⲭⲏ: ⲙⲁⲣⲉⲛⲥ̀ⲙⲟⲩ ⲉ̀ⲡⲓⲣⲁⲛ: ⲛ̀ⲧⲉ Ⲡⲁⲟ̅ⲥ̅ Ⲓⲏⲥⲟⲩⲥ. | وأيضاً إذا ما اجتمنا للصلاة فلنبارك إسم ربى يسوع. | |
We bless You, O my Lord Jesus, save us through Your Nam, For we have hope in You. | Ϫⲉ ⲧⲉⲛⲛⲁⲥ̀ⲙⲟⲩ ⲉ̀ⲣⲟⲕ: ⲱ̀ Ⲡⲁⲟ̅ⲥ̅ Ⲓⲏⲥⲟⲩⲥ: ⲛⲁϩⲙⲉⲛ ϧⲉⲛ Ⲡⲉⲕⲣⲁⲛ: ϫⲉ ⲁⲛⲉⲣϩⲉⲗⲡⲓⲥ ⲉ̀ⲣⲟⲕ. | لأننا نباركك يا ربى يسوع نجنا بإسمك لأننا توكلنا عليك. | |
That we may praise You, with Your Good Father, And the Holy Spirit, For You have come and saved us. | Ⲉⲑⲣⲉⲛϩⲱⲥ ⲉ̀ⲣⲟⲕ: ⲛⲉⲙ Ⲡⲉⲕⲓⲱⲧ ⲛ̀ⲁ̀ⲅⲁⲑⲟⲥ: ⲛⲉⲙ Ⲡⲓⲡ̀ⲛⲉⲩⲙⲁ ⲉ̀ⲑⲟⲩⲁⲃ: ϫⲉ (ⲁⲕⲓ̀) ⲁⲕⲥⲱϯ ⲙ̀ⲙⲟⲛ. | لكى نسبحك مع أبيك الصالح والروح القدس لأنك اتيت وخلصتنا. | |
Glory be to the Father, the Son and the Holy Spirit, now and forever, and unto the age of all ages. Amen. | Ⲇⲟⲝⲁ Ⲡⲁⲧⲣⲓ ⲕⲉ Ⲩ̀ⲓⲱ̀: ⲕⲉ ⲁ̀ⲅⲓⲱ̀ Ⲡ̀ⲛⲉⲩⲙⲁⲧⲓ: ⲕⲉ ⲛⲩⲛ ⲕⲉ ⲁ̀ⲓ̀ ⲕⲉ ⲓⲥ ⲧⲟⲩⲥ ⲉ̀ⲱ̀ⲛⲁⲥ ⲧⲱⲛ ⲉ̀ⲱ̀ⲛⲱⲛ: ⲁ̀ⲙⲏⲛ. | المجد للآب والإبن والروح القدس الآن وكل أوان وإلى دهر الداهرين. آمين. | |